فوتو: اشىق دەرەككوز
شىڭعىس الەكەشەۆ قازاقستاندا 1,3 ميلليون بەينەباقىلاۋ كامەراسى بار ەكەنىن ەسكە سالدى. وسىلايشا, اۆتوماتتى تىركەۋ جۇيەسى جارتى جىلدا 3,9 ميلليون جول قوزعالىسى ەرەجەسىن بۇزۋدى تىركەگەن.
«ىشكى ىستەر مينيسترلىگى «قورعاۋ» باعدارلامالىق جاساقتاماسىن جاساپ شىعاردى, ول پوليتسياعا زاڭ بۇزۋشىلاردى انىقتاۋعا جانە ولارمەن جەدەل پروفيلاكتيكالىق جۇمىس جۇرگىزۋگە مۇمكىندىك بەرەدى. وسىلايشا, 2024 جىلدىڭ باسىنان بەرى «قورعاۋ» باعدارلاماسى بويىنشا 339 مىڭنان استام كولىك تەكسەرىلدى, 20 مىڭنان استام اكىمشىلىك قۇقىق بۇزۋشىلىق انىقتالدى, 9 مىڭعا جۋىق كولىك ايىپتۇراققا جىبەرىلدى, جالعان ءنومىرلى 173 كولىك تىركەلدى», دەدى شىڭعىس الەكەشەۆ.
ونىڭ ايتۋىنشا, پوليتسەيلەر دە كولىك ءتارتىبىن كۇشەيتۋ شارالارىن قولعا العان.
«التى ايدا 12 مىڭنان استام ماس جۇرگىزۋشى ۇستالىپ, كولىك جۇرگىزۋ قۇقىعىنان ايىرىلدى. وسىعان بايلانىستى جىل باسىنان بەرى 178 جول-كولىك وقيعاسى تىركەلىپ, 26 ادام كوز جۇمدى», دەپ تۇيىندەدى ۆەدومستۆونىڭ رەسمي وكىلى.
