ءوڭىردى وركەندەتەتىن جوبالار

بيىلعى جىلى ۇكىمەت ازىرلەگەن ۇدەمەلى يندۋس­تريا­لىق-يننوۆاتسيالىق دامۋدىڭ مەم­لە­كەت­تىك باعدارلاماسى مەن ەلىمىزدى يندۋستريالاندىرۋ كارتاسىنا وبلىستان 11 جوبا ەنىپ وتىر. وبلىستىق كاسىپكەرلىك جانە ونەركاسىپ باسقار­ما­سىنىڭ مالىمەتتەرىنشە, ەلىمىزدى وركەندەتۋگە باستايتىن سەرپىندى جوبالاردىڭ قاتارىنداعى ولاردىڭ  بارلىعى دا 2014  جىلى ىسكە قوسىلادى. بۇلاردىڭ الدى بولىپ ەكىباستۇزداعى “ەنەرگيا-كاپيتال-1” جشس ىسكە قوسىلادى. جاڭا كاسىپورىن تاۋلىگىنە 30 توننا نان-توقاش ونىمدەرىن پىسىرە الادى. بۇل ينۆەستيتسيالىق جوبانى قارجىلاندىرۋعا 1 ملرد. 113 ميلليون تەڭگە جۇمسالدى. وڭىردەگى جانە كەنشىلەر قالاسىنداعى ازىق-ت ۇلىك بەلدەۋىن قالىپتاستىرۋدا ىسكە قوسىلاتىن كاسىپورىننىڭ ماڭىزى زور. وسى جەردە 160 ادام  ەڭبەك ەتەتىن جاڭا جۇمىس ورىندارى اشىلادى. ەكىنشى ءبىر جاقسى جاڭالىق – “قازاقستان ەلەكتروليز” زاۋىتى اق-تىڭ ەكىنشى كەزەگى ىسكە قوسىلادى. ياعني, وتاندىق اليۋميني ءوندىرىسىنىڭ جىلدىق كولەمى 250 مىڭ تونناعا جەتەدى دەگەن ءسوز. قۋاتى جىلىنا 30 000 توننا حلور جانە كاۋستيكالىق سودانى مەمبراندىق ادىسپەن شىعاراتىن “كاۋستيك” زاۋىتىنىڭ, بوزشاكول كەن بايىتۋ كومبيناتىنىڭ قۇرىلىستارىن سالۋ قولعا الىنۋدا. سونىمەن قاتار, وبلىس ورتالىعىنداعى فارماتسەۆتيكالىق زاۋىتتى قايتا جاڭارتۋ جوبالارى جۇزەگە اسپاقشى. ال بۇدان باسقا دا وبلىستا وڭىرلىك يندۋستريالاندى­رۋ كارتاسى جاسالدى. بۇعان جالپى قۇنى 138,3 ملرد. تەڭگە تۇرا­تىن 32 جوبا قاتىساتىن بولادى. وسى كۇندەرى بۇل جوبا­لاردى ورتا جولدا قالدىرماي ىسكە اسىراتىن قارجى­لاندىرۋ كوزدەرىن ايقىندايتىن  جۇمىستار جۇرگىزىلۋدە. فاريدا بىقاي. پاۆلودار.