فوتو:zakon.kz
وبلىستىق سوتتىڭ ءباسپاسوز قىزمەتىنىڭ حابارلاۋىنشا, ايەل 2023 جىلدىڭ ءساۋىر ايىندا 14 جاستاعى قىزىنىڭ 20 جاستاعى جىگىتتەن جۇكتى بولعانىن بىلگەن. ءدارىحانادان تۇسىك تاستاۋ تابلەتكالارىن ساتىپ الىپ, قىزىنا بەرگەن.
انىقتالعانداي ايەل وقيعا تۋرالى پوليتسياعا حابارلاماي, قىلمىس ىزدەرىن جاسىرعان.
كەيىن جاساندى تۇسىك تاستاۋىنىڭ ءساتسىز بولعانىن بايقاعان ول 2023 جىلدىڭ ماۋسىم ايىندا قىزىن استانا قالاسىنا اكەلىپ, تۇسىك جاساتۋ تۋرالى وتىنىشپەن جەكە ەمحانانىڭ گينەكولوگىنا جۇگىنگەن. الايدا دارىگەر بۇل ارەكەتتەن باس تارتىپ, قۇقىق قورعاۋ ورگاندارىنا حابارلاعان.
«جاسالعان قىلمىستىق قۇقىق بۇزۋشىلىقتىڭ سيپاتى مەن قوعامدىق قاۋىپتىلىك دارەجەسىن, اسىراۋىندا ەكى كامەلەتكە تولماعان بالانىڭ بولۋىن ەسكەرە وتىرىپ, سوت ۇكىمىمەن ك. قازاقستان رەسپۋبليكاسى قىلمىستىق كودەكسىنىڭ 432-بابىندا كوزدەلگەن قىلمىستىق قۇقىق بۇزۋشىلىقتى جاساعانى ءۇشىن كىنالى دەپ تانىلدى ( «قىلمىستى جاسىرۋ»). ءۇش جىل مەرزىمگە باس بوستاندىعىن شەكتەۋ جازاسىنا كەسىلدى. بەلگىلى ءبىر مىندەتتەر جۇكتەلە وتىرىپ, تاعايىندالعان جازانىڭ بارلىق مەرزىمىنە پروباتسيالىق باقىلاۋ بەلگىلەندى», دەپ حابارلادى ەرەيمەنتاۋ اۋداندىق سوتى.
سوت ۇكىمى زاڭدى كۇشىنە ەندى.
