فوتو: azh.kz
جاعىمسىز ءيىستىڭ شىعۋ سەبەبى «كۆادرات» بۋلانۋ كەن ورىندارى بولىپ شىقتى.
اتىراۋلىق تابيعات قورعاۋ بەلسەندىسى لاۋرا سۇلەيمەنوۆانىڭ ايتۋىنشا, «كۆادرات» ءالى كۇنگە دەيىن ەسكى ادىسپەن تازارتىلادى.
سونىمەن قاتار اكىمدىك باكتەريالاردى جويۋعا قوسىمشا بيۋدجەت قاراجاتىنىڭ جوقتىعىن مالىمدەدى.
بيىلعى جىلدىڭ ناۋرىز ايىندا اتىراۋ تۇرعىندارى قالاداعى جاعىمسىز يىسكە شاعىمدانعان ەدى. سودان كەيىن ەكولوگتار «كۆادرات» بۋلانۋ الاڭىنان, ارنايى سانيتارلىق-قورعاۋ ايماعىنان جانە اتىراۋ مۇناي وڭدەۋ زاۋىتى اۋماعىنداعى اۋانى تالداۋ ءۇشىن سەكۋندىنا 4 مەتر جىلدامدىقپەن سوققان جەلدىڭ اسەرىنەن كۇكىرت ديوكسيدى مولشەرىنىڭ سولتۇستىك-شىعىستا 6,2 ەسە ارتقانىن انىقتادى. ول سانيتارلىق-قورعاۋ ايماعىندا – 21-25 ەسە, ال اتىراۋ مۇناي وڭدەۋ زاۋىتىنداعى تۇرعىن ۇيلەر اۋدانىندا – 17,5 ەسە ارتقان ەكەن.
