فوتو:AP
اعايىندى رايان كۋپەر مەن ۋەسلي ۋوررەن بيلل ءستامپفلدىڭ مايىتىن 27 ماۋسىمدا حۋاسكاران تاۋىنان تاپقانىن ءالپينيستىڭ ۇلى دجوزەف ستامپفل مالىمدەگەن.
CNN حابارلاۋىنشا اعايىندى الپينيستەر 6768 مەترلىك شىڭعا جەتە الماي, پەرۋدىڭ كورديلەرا-بلانكا تاۋىنان ءتۇسىپ بارا جاتىپ, ءمايىتتى شامامەن 5030 مەتر بيىكتىكتەن تاپقان.
ر.كۋپەر پەيزاجعا سايكەس كەلمەيتىن نىساندى بايقاپ, ونى زەرتتەمەك بولعان. ونىڭ ايتۋىنشا, ءمايىت پەن زاتتار, سونىڭ ىشىندە ستامپفلدىڭ نەكە جۇزىگى, دۋلىعاسى, الپينيستىك ەتىك پەن كۇرتەسى مۇزدا جاقسى ساقتالعان. سونداي-اق ولار امەريكالىق ءالپينيستىڭ سومكەسىن تاۋىپ, ونىڭ جەكە كۋالىگى, فوتواپپاراتى, تولقۇجاتى, ءاميانى مەن كوزىلدىرىگى بار ەكەنىن انىقتاعان.
CNN مالىمەتىنشە ونىڭ ءمايىتى 5 شىلدەدە تاۋدان تۇسىرىلگەن. ءوز كەزەگىندە اقش مەملەكەتتىك دەپارتامەنتى پەرۋدە اقش ازاماتىنىڭ قايتىس بولعانىن راستادى.
