ءماجىلىس دەپۋتاتتارى, «Amanat» فراكتسياسىنىڭ مۇشەلەرى ەركەبۇلان مامبەتوۆ پەن دميتري كولودا, سونداي-اق سەنات دەپۋتاتى اسەم راحمەتوۆا جۇرگىزىلىپ جاتقان جۇمىس بارىسىمەن تانىسىپ, تۇرعىندار سۇراقتارىنا جاۋاپ بەرۋ ءۇشىن اۋىلعا كەلدى.
بولشايا مالىشكا اۋلىندا 321 ءۇيدىڭ 66-سى اپاتتى جاعدايدا دەپ تانىلدى. سۋ تاسقىنىنان زارداپ شەككەن تۇرعىنداردىڭ ءبىر بولىگى وسى اۋدانداعى ىرگەلەس اۋىلداردا جانە پەتروپاۆلدا جاڭا تۇرعىن ءۇي الۋعا ءتيىس. ال ەندى ءبىر بولىگى ءۇي جوندەۋگە قاجەت ماتەريالدىق كومەك الدى. پاۆەل ۆوججوۆتىڭ ءۇيى ءبىر ايعا جۋىق ۋاقىت 1,5 مەتر سۋ استىندا قالدى. قازىر كۇردەلى جوندەۋ جۇمىسى جۇرگىزىلىپ جاتىر.
– ءۇيدى قالپىنا كەلتىرۋگە 5 ملن 700 مىڭ تەڭگە ءبولىندى. ماتەريالدار ساتىپ الىنىپ, جوندەۋ جۇمىس باستالىپ كەتتى. ونى مەرزىمىندە اياقتاۋ اسا ماڭىزدى. قازىردىڭ وزىندە بورەنەلەر اۋىستىرىلىپ, ەدەن توسەلدى. جوندەۋ جۇمىسى شىلدە ايىنىڭ سوڭىنا دەيىن اياقتالادى دەپ جوسپارلانىپ وتىر. قۇرىلىسشىلاردىڭ اتقارىپ جاتقان جۇمىسىنا ريزامىن, – دەدى پاۆەل ۆوججوۆ.
الايدا تۇرعىنداردىڭ ءبارى بىردەي ساراپشى-باعالاۋشىلاردىڭ پىكىرىمەن كەلىسە بەرمەيدى. ءماجىلىس دەپۋتاتتارى بۇل سولتۇستىك قازاقستان وبلىسى ازاماتتارىن تولعاندىرعان ەڭ وزەكتى ماسەلەنىڭ ءبىرى ەكەنىن اتاپ ءوتتى. سۋ تاسقىنىنان زارداپ شەككەن تۇرعىندار سمەتانى قايتا قاراۋدى, قوسالقى قۇرىلىس نىساندارىن زاڭداستىرۋعا قولۇشىن سوزۋدى, سونداي-اق مەنشىك قۇقىعىنىڭ بولماۋىنا بايلانىستى ماسەلەلەردى شەشۋگە كومەك كورسەتۋدى سۇراپ وتىر. دەپۋتاتتار ءار جاعدايعا تەرەڭ ءۇڭىلىپ, تۇرعىندارعا وتەماقى الۋ ءتارتىبىن ءتۇسىندىرىپ كەلەدى.
بولشايا مالىشكا اۋىلىندا 900-گە جۋىق ادام تۇرادى. بۇگىندە اۋىلدا جاڭا فەلدشەرلىك-اكۋشەرلىك پۋنكت سالىنىپ جاتىر. نىساندى كۇزدە پايدالانۋعا بەرۋ جوسپارلانعان بولاتىن. الايدا قۇرىلىسشىلار سۋ تاسقىنىنا بايلانىستى جۇمىستى مەرزىمىندە اياقتاپ ۇلگەرە الماي جاتىر. بۇل ماسەلەنى دەپۋتاتتار باقىلاۋعا الدى. قىزىلجار اۋدانىندا سۋ تاسقىنىنان بارلىعى 1 546 ءۇي زارداپ شەكتى. بۇگىندە اۋدانداعى 60-قا جۋىق تۇرعىن جاڭا ۇيلەرگە قونىستاندى.
