مەيرامبەك بەسباەۆ ەلدىڭ قىزۋ تالقىسىنا تۇسكەن قايرات نۇرتاستىڭ وقيعاسىنا قاتىستى پىكىر ءبىلدىرىپ, Instagram-داعى پاراقشاسىندا دوستىق تۋرالى سىر شەرتتى.
ونەر يەسى 15 تاۋلىككە قامالعان ىنىسىنە قولداۋ ءبىلدىرىپ, اعالىق اقىلىن جەتكىزدى.
- كەيدە ەسىگىڭنەن ك ۇلىپ كىرىپ, تەكەمەتىڭدى ءتىلىپ كەتەتىندەر بولادى. ادام الاسى ىشىندە عوي. دوسىم دەپ ءجۇرىپ دومالاق ارىز جازىپ, قۇنى قىمبات دوستىقتى قاستىققا ايىرباستاي سالاتىن حايۋاندار كوبەيدى. قايرات ءىنىم, قۇداي جانىڭا قۋات بەرسىن.
بۇلتتىڭ ارتىنان كۇن شىعاتىنى سەكىلدى, ءار جاماندىقتىڭ ارتىنان ۇلكەن جاقسىلىق بولاتىنى اقيقات. ەندى ابايلاپ ءجۇرشى. ماڭايىندا جۇرگەندەردى سۇرىپتاپ قاراشى. سەنى ساتقان اقىماقتىڭ جازاسىن اللا بەرەدى. اللا ادىلەتتى, - دەپ جازدى بەسباەۆ.
