پروكۋرورلىق شارالاردىڭ ناتيجەسىندە ەر ادامنىڭ قىلمىسى اشكەرلەنىپ, 3 جىلعا باس بوستاندىعىنان ايىرۋ جازاسىنا كەسىلدى.
اقمولا وبلىسى پروكۋراتۋراسى ءباسپاسوز قىزمەتىنىڭ مالىمەتىنشە, زەينەتاقىمەن قامتاماسىز ەتۋ ماسەلەسى بويىنشا جۇرگىزىلگەن تالداۋ بارىسىندا 1937 جىلعى زەينەتكەردىڭ 2021 جىلى زەرەندى اۋىلىندا قايتىس بولعانى انىقتالدى. ءوز كەزەگىندە قايتىس بولعان ادامنىڭ تۋعان نەمەرەسى, پايداكۇنەمدىك نيەتپەن, جەكە بايۋ ماقساتىندا قايتىس بولۋ دەرەگىن ۋاكىلەتتى ورگانداردان جاسىرىپ, قايتىس بولعان ادامنىڭ زەينەتاقى بانك كارتاسىن پايدالانىپ, زەينەتاقى تولەمدەرىن جۇيەلى تۇردە الىپ وتىرعان. وسىلايشا, ول 4 ملن تەڭگەدەن استام قاراجات ۇرلاپ, مەملەكەتكە ءىرى مولشەردە زالال كەلتىرگەن.
- وسى دەرەك بويىنشا زەرەندى اۋدانىنىڭ پروكۋراتۋراسى قىلمىستىق كودەكستىڭ 1-تارماعىنىڭ 190-بابى 3-بولىگى بويىنشا سوتقا دەيىنگى تەرگەپ-تەكسەردى (الاياقتىق, ياعني بوتەننىڭ مۇلكىن ۇرلاۋ نەمەسە ءىرى مولشەردە جاسالعان الداۋ ارقىلى بوتەننىڭ مۇلكىنە قۇقىق الۋ). زەرەندى اۋداندىق سوتىنىڭ ۇكىمىمەن قاسكۇنەم قىلمىستىق كودەكستىڭ 190-بابى 3-بولىگى بويىنشا كىنالى دەپ تانىلدى جانە وعان ورتاشا قاۋىپسىزدىك مەكەمەسىندە جازاسىن وتەۋ ارقىلى, 3 جىلعا باس بوستاندىعىنان ايىرۋ جازاسىنا كەستى, سونداي-اق كورسەتىلگەن زالال سوماسى مەملەكەت كىرىسىنە ءوندىرىلدى, – دەدى ۆەدومستۆودان.
