فوتو:ernur.kz
پوليتسيا دەپارتامەنتىنىڭ ءباسپاسوز قىزمەتى حابارلاعانداي, جول اپاتى ايىرتاۋ اۋىلىنىڭ ماڭىندا بولعان. Mercedes-Benz كولىگىنىڭ يەسى 42 جاستاعى ايەل جەدەل جاردەم كولىگىندە جان تاپسىرعان. ونىڭ 39 جاستاعى كۇيەۋى جول-كولىك وقيعاسى ورنىنان ورتالىق وبلىستىق اۋرۋحاناعا جەتكىزىلگەن.
دەنساۋلىق ساقتاۋ باسقارماسىنىڭ ءباسپاسوز قىزمەتى مالىمدەگەندەي, ەر ادام كومادا جاتىر. سانيتارلىق اۆياتسيا قىزمەتى ارقىلى ايماققا نەيروحيرۋرگ, نەۆروپاتولوگ پەن تراۆماتولوگ ماماندارى دەرەۋ جەتكەن.
«پوليتسيا قىزمەتكەرلەرى سوتقا دەيىنگى تەرگەۋ امالدارىن جۇرگىزىپ جاتىر. جول-كولىك وقيعاسىنىڭ بارلىق ءمان-جايىن زەردەلەۋگە باعىتتالعان جۇمىستار باستالىپ كەتتى, ولاردىڭ قورىتىندىسى بويىنشا سوڭعى پروتسەسسۋالدىق شەشىم قابىلدانادى», دەپ حابارلادى پوليتسيانىڭ ءباسپاسوز قىزمەتى.
