ەلىمىزدە «يگى ىستەر مارافونى» جوباسى باستالدى

مەملەكەت باسشىسى ۇلتتىق قۇرىلتايدىڭ ءۇشىنشى وتىرىسىندا حالقىمىزدىڭ قانىنا جاناشىرلىق, قامقورلىق, باۋىرمالدىق سياقتى اسىل قاسيەتتەر سىڭگەنىن اتاپ ءوتتى. 

ۇيىمداستىرۋشىلار «يگى ىستەر مارافونى» حالىقتىڭ جاناشىرلىق قاسيەتتەرىن كوپكە ناسيحات ەتىپ, اتالعان سوزدەردىڭ جارقىن دالەلى بولاتىنىنا سەنىم بىلدىرەدى.

جوبا اياسىندا كۇنتىزبەدەگى ماڭىزدى كۇندەرگە, حالىقارالىق  جانە ءتۇرلى الەۋمەتتىك جانە مادەني تاقىرىپتارعا ارنالعان «جاقسىلىق اپتالىعى» مەن جىل سايىنعى تاقىرىپتىق ءىس-شارالار وتكىزۋ جوسپارلانىپ وتىر. تاقىرىپتار اتاۋى جىل سايىن وزگەرىپ وتىرادى, بۇل الەۋمەتتىك جاۋاپكەرشىلىكتىڭ ءتۇرلى سالالارىنا قىزىعۋشىلىقتى ارتتىرا وتىرىپ, وزەكتى ماسەلەلەردىڭ الۋان تۇرلىلىگى مەن كەڭ اۋقىمىن قامتيدى. «يگى ىستەر مارافونىنىڭ» وسى اپتاسى ەكولوگياعا ارنالادى. جوباعا قاتىسۋ ءۇشىن جاساعان يگى ءىس تۋرالى الەۋمەتتىك جەلىلەردە اقپارات جاريالاپ, Qazvolunteer.kz ونلاين پلاتفورماسىندا تىركەۋدەن ءوتۋ قاجەت.

مارافون قورىتىندىسى بويىنشا, ەڭ بەلسەندى قاتىسۋشىلار العىس حاتتارمەن جانە ەستەلىك سىيلىقتارمەن ماراپاتتالادى. جوباعا قاتىسۋ ءۇشىن تولىق اقپارات پەن نۇسقاۋلىقتى Qazvolunteer.kz سايتىنان الۋعا بولادى جانە الەۋمەتتىك جەلىدەگى @kz_nvs جانە @qazvolunteer.kz پاراقشالارىنان تابا الاسىزدار.