فوتو: اقتوبە وبلىستىق پد ءباسپاسوز قىزمەتى
اتالعان وقيعا تۋرالى الەۋمەتتىك جەلىدە تارادى. انىقتالعانداي, 11 شاعىن اۋدانداعى كوپىردە جۇرگەن بالالارعا بەيتانىس ادام كىشىرەك قۇتىداعى گاز باللونىن قولدانعان. سول كەزدە بالالار ايقايلاپ, بىرەۋى قاشا جونەلگەن. سودان سوڭ كۇدىكتىنى ىزدەۋ جۇمىسى جۇرگىزىلدى.
وبلىستىق پد ءباسپاسوز قىزمەتى: «جەدەل-ىزدەستىرۋ ءىس-شارالارىن جۇرگىزۋ بارىسىندا اقتوبە وبلىسىنىڭ پوليتسيا قىزمەتكەرلەرى شەكارادان وتپەك بولعان كامەلەتكە تولماعان كۇدىكتىنى ۇستادى. ول بۇزاقىلىق ءىسى بويىنشا ىزدەۋدە بولدى. بالالارعا قارسى گاز قۇتىسىن قولدانعان», دەپ حابارلادى.
