حالىقارالىق ساياسي ءىس-شاراعا 16 ەلدەن دەلەگات قاتىستى. بىلتىر دەليدە ونلاين فورماتتا وتكەن سامميتتە قازاقستان تارابى جاھاندىق دەڭگەيدە تۇراقتىلىق پەن قاۋىپسىزدىكتى قامتاماسىز ەتەتىن قاعيداتتاردى ۇسىندى. نەگىزى ۇيىمنىڭ جىل سايىنعى سامميتتەرىندە وسىعان ۇقساس قۇجاتتار قابىلدانىپ تۇرادى.
جالپى, شىۇ-عا مۇشە مەملەكەتتەر كوزقاراستارىنىڭ ءارتۇرلى ەكەنى بەلگىلى. وسى ورايدا باۋىرلاس ازەربايجان, تۇركيا, ورتالىق ازيا ەلدەرىنىڭ قازاقستاننىڭ قاۋىپسىزدىككە قاتىستى ۇستانىمىنا قولداۋ كورسەتىپ وتىرعانىن ەرەكشە اتاپ ءوتۋ قاجەت.
شىۇ اياسىندا ء«ادىل الەم, كەلىسىم جانە دامۋ جولىنداعى جاھاندىق بىرلىك تۋرالى» قۇجاتقا قول قويىلدى. باستامانىڭ كوزدەگەنى – بۇكىل ەۋرازيا قۇرلىعىنداعى بەيبىتشىلىك پەن قاۋىپسىزدىكتى قامتاماسىز ەتۋگە كەپىل بولاتىنداي ايرىقشا مۇمكىندىكتەردى جۇزەگە اسىرۋ. سونداي-اق وسى قاعيدات نەگىزىندە مەملەكەتتەردىڭ تەرروريزمگە, سەپاراتيزمگە جانە ەكسترەميزمگە قارسى ءىس-قيمىل بويىنشا 2025–2027 جىلدارعا ارنالعان ىنتىماقتاستىق باعدارلاماسىن بەكىتۋ تۋرالى شەشىمى, حالىقارالىق اقپاراتتىق قاۋىپسىزدىكتى قامتاماسىز ەتۋ ماسەلەلەرى بويىنشا ءوزارا ءىس-قيمىل جوسپارىن بەكىتۋ سىندى ءتۇيىندى مامىلەلەرگە كەلۋى ورىندى. ويتكەنى كەز كەلگەن ەل ءۇشىن ەڭ باستى ماسەلە – ايماقتىڭ قاۋىپسىزدىگى.
وعان قوسا ق.توقاەۆتىڭ «شانحاي وندىعىنا» مۇشە مەملەكەتتەردى ترانسۇلتتىق ۇيىمداسقان قىلمىس, زاڭسىز ەسىرتكى اينالىمى جانە كيبەرقىلمىسقا قارسى كۇرەسكە شاقىرۋى دا قۇبا-قۇپ. ياعني بارىنە ورتاق وتكىر پروبلەمالاردى پاراساتتى ديپلوماتيا اياسىندا ۇجىمدىق ارەكەتپەن شەشۋ جاھاندىق تۇراقتىلىققا سەپ بولا الادى.
انار سومۋنجۋوعلى,
حادجەتتەپە ۋنيۆەرسيتەتى ستراتەگيالىق زەرتتەۋلەر ورتالىعىنىڭ ديرەكتورى, دوتسەنت
(تۇركيا)
