ونەركاسىپ ءوندىرىسى ورىستەپ كەلەدى

كەشە يندۋستريا جانە جاڭا تەحنولوگيالار ۆيتسە-ءمينيسترى نۇرمۇحامبەت ابدىبەكوۆ مينيسترلىكتىڭ سوڭعى 5 ايداعى  كورسەتكىشتەرى تۋرالى جۋرناليستەرگە سۇحبات بەردى. ۆيتسە-ءمينيستردىڭ ايتۋىنشا, سوڭعى 5 اي قورىتىندىسى ماشينە جاساۋ ونەركاسىبىندە ءبىرشاما العا جىلجۋ بولعاندىعىن كورسەتىپ وتىر ەكەن. بۇگىندە مينيسترلىك 6 سالالىق باعدارلاما دايىن­داۋ ۇستىندە. اتاپ ايتساق, تاۋ-كەن, ماشينە جاساۋ, فار­ماتسەۆتيكا, جەڭىل جانە حيميا ونەركاسىپتەرى, سون­داي-اق قۇرىلىس سالاسى. بۇل باعدارلامالار ءىس جۇزىندە دايىن. ولاردى بىرنەشە رەت ارنايى شاقىرىلعان سالا ماماندارى مەن قوعامدىق ۇيىم وكىلدەرىنىڭ نازارىنا ۇسىندىق. بارلىق ايماق­تار­دا باعدارلامالاردىڭ تانىس­تى­رىلىمى ءوتتى. ال قازىر ولار مەملەكەتتىك ورگان­دار­مەن كەلىسىلۋ كەزەڭىندە, دەپ اتاپ ءوتتى نۇرمۇحامبەت ابدىبەكوۆ. سالالىق باعدارلاما­لار­دىڭ جۇزەگە اسۋ تەتىگى مەن جۇك­تەلىپ وتىرعان مىندەت ۇدەمەلى يندۋستريالىق-ين­نو­ۆاتسيالىق دامۋ باعدارلا­ما­سىندا كورسەتىلگەن مىندەت­تەر­دەن تۋىنداپ وتىر. جوس­پارلانعان كەستەگە سايكەس, 6 سالالىق باعدارلاما 15 ءشىل­دە­گە دەيىن ۇكىمەت قاۋلى­سىمەن بەكىتىلەتىن بولادى. سوڭعى 5 اي ىشىندە قا­زاق­ستاننىڭ ءوندىرىس كولەمى 11,9 پايىزعا ءوستى.  ءبىر ەرەك­شە­لىگى, 5 ايدىڭ ىشىندە ءاربىر وبلىس ءوز كورسەتكىشتەرىن جاق­سارتىپ, جوعارىلاتۋ ءۇس­تىن­دە ەكەن. ءتىپتى كەيبىر جە­كە­لەگەن وبلىستار­داعى ءوسۋ كورسەتكىشى 30 پايىز­عا جەتىپ وتىر. مۇنىڭ سەبەبىن ءبىرىن­شىدەن, داعدارىس سالقى­نى­نىڭ قايتۋىمەن سيپاتتاساق, ەكىنشىدەن, جاڭا ءوندىرىس ورىن­دارىنىڭ ىسكە قوسىلۋى­مەن تۇسىندىرۋگە بولادى. جىل باسىنان بەرى وبلىستاردان كەلىپ تۇسكەن اقپاراتتار بويىنشا 13-تەن استام ءوندىرىس ورنى ىسكە قوسىلىپ, حالىققا قىزمەت ەتۋدە. مىسالى,  ەلباسى كوكشەتاۋعا ارنايى بارىپ, ءوزى اشقان كەن بايىتۋ ورنىن اتاپ كورسەتۋگە بولادى. ال ماشينە جاساۋ سالاسى بويىنشا 171 پايىز وسىمگە قول جەتىپ وتىر. يندۋستريا جانە جاڭا تەحنولوگيالار ۆيتسە-مينيس­ترى ن.ابدىبەكوۆتىڭ ايتۋىن­شا, كيىم تىگۋ سالاسىندا ءون­دى­رىس كولەمى وتكەن جىلدارعا قاراعاندا ءبىرشاما تومەندە­گەن, سول سەبەپتى وڭتۇستىكتە جە­ڭىل ونەركاسىپ سالاسى بويىنشا 3 ءىرى  كاسىپورىن اشىلماق. ال ءوندىرىس كولەمى­نىڭ ارتۋى بويىنشا ءتىزىمنىڭ كوش باسىندا ماشينە جاساۋ ءوندىرىسى تۇر. ول 171 پايىزدى قۇراپ وتىر. ۆەنەرا تۇگەلباي.