ءتۋريزمدى دامىتۋشىلار ماراپاتى

قازاق جەرىنىڭ ءار وڭىرىندە وتانداس­تارىمىز عانا ەمەس, شەتەلدىكتەردى دە قىزىقتىراتىن ءتۋريزمنىڭ تاڭداۋلى ورىندارى جەتەرلىك. سونداي تاريحي ءھام ارحەولوگيالىق ورىننىڭ ءبىرى – سارايشىق قالاشىعى. ونىڭ تاريحى شىم-شىمداپ ەلگە تارالا باستاعانىنا ون بەس جىلدىڭ ءجۇزى اۋدى. وسى كەزەڭ ىشىندە «حان وردالى سارايشىق» تاريحي-مەموريالدىق كەشەنىن باسقارىپ, قىزىعۋشىلىق تانىتقان جاندارعا ارعى تاريحتان كوسىلتە سىر شەرتەتىن شەجىرەشى مولداش بەردىمۇراتوۆ جاقىندا ينۆەستيتسيالار جانە دامۋ مينيسترلىگىنىڭ «تۋريزم سالاسىنا سىڭىرگەن ەڭبەگى ءۇشىن» توسبەلگىسىمەن ماراپاتتالدى. سونداي-اق, وبلىستىق كاسىپكەرلىك جانە يندۋستريالىق-يننوۆاتسيالىق دامۋ باسقارماسى تۋريزم ءبولىمىنىڭ باسشىسى قارلىعاش بەكباەۆا مەن وبلىستىق تاريحي-ولكەتانۋ مۇراجايى ەكسكۋرسيا ءبولىمىنىڭ مەڭگەرۋشىسى وكسانا ءالجانوۆا اتالعان مينيسترلىكتىڭ قۇرمەت گراموتاسىن يەلەندى. بۇل ماراپاتتاردى مۇنايلى اتىراۋدىڭ تاريحى مەن تابي­عاتىن, تۋريزم سالاسىنداعى تار­تىمدىلىعىن كەڭىنەن ناسي­حاتتاپ, تۋريستەر ىنتاسىن وياتۋعا ەلەۋلى ۇلەسىن قوسقاندارعا وبلىس اكىمىنىڭ ءبىرىنشى ورىنباسارى عۇمار دۇيسەمباەۆ تابىستادى. «سارايشىقتىڭ ەل تاريحىندا الار ورنى ەرەكشە. سول سەبەپتەن بيىل سارايشىق تۋرالى كينو تۇسىرىلەدى. قاسىم حاننىڭ داۋىرىندە قازاق حاندىعىنىڭ استاناسى بولعان, ۇزىندىعى – 10, ەنى 8 شاقىرىمعا سوزىلعان, ايىنا 700-گە جۋىق كەرۋەن توقتاعان قالا سول كەزدە تۋريستىك ورتالىققا اينالعان. سول تاريحي قالا – سارايشىق قازىردە دە ءتۋريزمنىڭ ورتالىعى بولا الادى. بۇل ءۇشىن الدىمەن جايىق وزەنىنىڭ جاعاسىن بەكىتىپ, قازبا جۇمىستارىن جالعاستىرۋ قاجەت», دەيدى «حان وردالى سارايشىق» تاريحي-مەموريالدىق كەشەنىنىڭ ديرەكتورى مولداش بەردىمۇراتوۆ. جولداسبەك شوپەعۇل, «ەگەمەن قازاقستان». اتىراۋ وبلىسى.