جەمشوپ ازىرلەۋدىڭ جول كارتاسى

وتكەن اۋىل شارۋا­شى­لى­عى مينيسترلىگى عىلىمي ءتا­سىل­دى قولدانا وتىرىپ, جەم­شوپ ءوندىرۋ سالاسىن دامىتۋدىڭ 2025 جىلعا دەيىنگى جول كارتاسىن وزەكتەندىردى. ماقساتى – 2028 جىلعا قاراي جەمشوپ داقىلدارىنىڭ ەگىس القاپتارىن 3,6 ملن گەكتارعا دەيىن كەڭەيتۋ ارقىلى اۋىل شارۋاشىلى­عىن­دا جالپى ءونىمىنىڭ كولەمىن ەكى ­ەسەگە ارتتىرۋ. 2024 جىلى ­3,4 ملن گەكتاردان اسا جەرگە ­جەم­­­­شوپ داقىلدارى ەگىلدى.

«جەمشوپ داقىلدارى ەگىل­گەن القاپتىڭ 74%-ى – كوپجىل­دىق ءشوپتىڭ ۇلەسىنە, 26%-ى – بىر­جىلدىق داقىلدارعا تيەسىلى. ولاردىڭ كوكتەمگى ەگىسى مال شا­رۋاشىلىعىنىڭ قاجەتتىلىگى ءۇشىن پىشەن مەن سۇرلەم دايىنداۋدى قامتاماسىز ەتەدى. وڭىرلەردە شوپتەردى جاڭارتۋ, شابىندىق پەن جايىلىم جەرلەردى جاق­سارتۋ بويىنشا جۇمىستى كۇ­شەيتۋ قاجەت, سونىڭ سالدارىنان مال ازىعىندا ءالى دە ءشوپ پەن جەمشوپ, ياعني قاراپايىم جەم باسىم. بۇل رەتتە بارلىق وڭىردە ۇلكەن جوبا شەڭبەرىن­دە تاۋارلى-ءسۇت فەرمالارىنىڭ قۇرىلىسى ءجۇرىپ جاتىر, ولار ءۇشىن پىشەن, جۇگەرى, سۇرلەم دايىنداۋ قاجەت», دەپ اتاپ ءوتتى ­اۋىل شارۋاشىلىعى ۆيتسە-ء­مينيسترى امانعالي بەردالين.

قازىرگى ۋاقىتتا ەلىمىزدە پىشەن­مەن قامتاما­سىز ەتۋ 45%-دى,­ ال سۇرلەممەن قامتاماسىز ەتۋ 72%-دان اسپايدى. جالپى, 2024 جىلى 25,5 ملن توننا ءشوپ, 1,6 ملن توننا پىشەن, 4,6 ملن توننا سابان, 5,7 ملن توننا قۇنارلى جەم جانە 2 ملن توننا سۇرلەم دايىنداۋ جوسپارلانعان.

«بىزدە جەر جەتكىلىكتى, بىراق ۇتىمدى يگەرىلمەيدى. وڭىرلەردىڭ الدىنا جەمشوپ ءوندىرۋ بو­يىنشا ناقتى مىندەتتەر قويۋ كەرەك. جول كارتاسىن ءار ءوڭىر ءۇشىن 2-3 جىلعا ارنالعان جەمشوپ داقىلدارى جونىندەگى جوسپارمەن تولىقتى­رۋ قاجەت», دەپ تاپسىردى سەرىك جۇمانعارين.

سونداي-اق وڭىرلەردىڭ اكىم­دىكتەرىنە مال ازىعى داقىل­دا­رى ءۇشىن سۋارمالى جەر كولە­مىن كەڭەيتۋگە, جەمشوپ داقىل­دارى­نىڭ تۇقىم شارۋاشى­لىعىن دامىتۋعا, پايدالانىلاتىن جايى­لىمدىق جەردىڭ ونىمدىلىگىن ارت­تىرۋعا باسا نازار اۋدارا وتىرىپ, ەگىنشىلىكتى ءارتاراپتاندىرۋ تاپسىرىلدى.