باس پروكۋراتۋرا تەكسەرىسكە كىرىستى

باس پروكۋراتۋرا سوتقا دەيىنگى تەرگەۋدىڭ بارىسىندا ماتەريالدار مەن قىلمىستىق ىستەر بويىنشا پروتسەس­سۋال­دىق شەشىمدەردى قابىلداۋدا جاڭا قىلمىستىق جانە قىلمىستىق-ءىس ءجۇر­گىزۋ كودەكستەرگە كوشۋ جونىندەگى ەرە­جەلەردى ساقتاۋ ءۇشىن قابىلدانىپ وتىر­عان شارالاردىڭ زاڭدىلىعىنا, تو­لىق­تىعىنا جانە ۋاقتىلى جۇرگى­زى­لەتىندىگىنە تەكسەرىستى باستادى. باس پروكۋراتۋرانىڭ جۇمىس توپتارى جاڭا قۇقىقتىق اكتىلەردى قولدانۋدىڭ پروبلەمالىق ماسەلەلەرىن انىقتاۋ, جاڭا جاعدايداعى قۇقىقتىق جۇيەنىڭ ءتيىمدى قىزمەت ەتۋىن قامتاماسىز ەتۋدىڭ قاجەتتى شارالارىن قابىلداۋ ماقساتىندا اق­توبە, شىعىس قازاقستان, جامبىل جانە قوس­­تاناي وبلىستارىنىڭ قۇقىق قورعاۋ ءجا­نە ارنايى ورگاندارىن تەكسەرۋگە كىرىستى. تەكسەرىس ناتيجەلەرى زاڭدىلىقتى, قۇقىقتىق ءتارتىپتى جانە قىلمىسقا قار­سى كۇرەستى قامتاماسىز ەتۋ جونىندەگى ءۇي­لەستىرۋ كەڭەسىنىڭ وتىرىسىندا تالداناتىن بولادى, دەپ حابارلادى باس پرو­كۋراتۋرانىڭ ءباسپاسوز قىزمەتى.