فوتو: Wikimedia
حالىقارالىق دزيۋدو فەدەراتسياسىنىڭ (IJF) رەفەري ديرەكتورى لاۋازىمىن اتقاراتىن چجون كي ەن, ارمەن باگداساروۆ, ازيا دزيۋدو وداعىنىڭ توراعاسى, قازاقستان دزيۋدو فەدەراتسياسىنىڭ باس حاتشىسى اسحات جىتكەەۆ جەتەكشىلىك ەتىپ, تاجىريبەسىن بولىسكەن سەمينارعا استانا, الماتى, شىمكەنت قالاسىنان جانە 17 وبلىستان جۇزگە تارتا تورەشى مەن جاتتىقتىرۋشى قاتىستى. كاسىبي بىلىكتىلىكتى شىڭداعان يگى شارا سوڭىندا تورەشىلەر «IJF Continental», «IJF International» ساناتى بويىنشا تەوريالىق ەمتيحان تاپسىردى.
الماتىدا بەكەت ماحمۇتوۆتى ەسكە الۋعا ارنالعان ازيا كۋبوگى باستالدى. جاسوپىرىمدەر مەن جاستار اراسىندا وتەتىن دزيۋدو دوداسىنا ءبىزدىڭ بالۋاندارمەن قوسا قىرعىزستان, تاجىكستان, وزبەكستان, يران, موڭعوليا, شري-لانكا, گەرمانيا, مولدوۆا, اقش-تان دا سپورتشىلار قاتىسىپ جاتىر. ازيا كۋبوگىنىڭ چەمپيونى مەن جۇلدەگەرلەرىنە رەيتينگتىك ۇپاي جازىلادى. وسى بايراقتى دودادا سەمينارعا قاتىسقان تورەشىلەر تاجىريبە جيناۋ ءۇشىن قازىلىق ەتەدى.
