13 مىڭنان استام ادام جۇمىس ىستەيتىن «Qarmet»-تەگى وزەكتى ماسەلەنىڭ ءبىرى – زياندى جانە قاۋىپتى جاعدايداعى ءوندىرىس ورىندارىندا جۇمىس ىستەيتىندەردىڭ ەرتەرەك زەينەتكە شىعۋ ماسەلەسى.
– جىل باسىندا زياندى وندىرىستەردە جۇمىس ىستەيتىندەر ءۇشىن زەينەت جاسىن 55 جاسقا دەيىن تومەندەتۋ تۋرالى زاڭ كۇشىنە ەندى. زەينەتكە شىعاتىندار زياندى ەڭبەك جاعدايلارىنداعى جۇمىسىن توقتاتۋعا مىندەتتەلەدى. بىراق ولار ارنايى الەۋمەتتىك تولەمدەر الادى. 63 جاسقا جەتكەندە, زەينەتاقى قورىنان تولەمدەرگە بازالىق جانە ىنتىماقتى زەينەتاقى قوسىلادى, ال رەسپۋبليكالىق بيۋدجەتتەن, جۇمىس بەرۋشىلەر مەن ساقتاندىرۋ كومپانيالارىنان تولەمدەر توقتاتىلادى, – دەدى دەپۋتات ارمان قالىقوۆ.
ەڭبەك قاۋىپسىزدىگى مەن قاۋىپسىزدىكتى قامتاماسىز ەتۋ ماسەلەسى دە وزەكتى. ءماجىلىستىڭ الەۋمەتتىك-مادەني دامۋ كوميتەتىنىڭ توراعاسى اسحات ايماعامبەتوۆتىڭ ايتۋىنشا, قاراعاندىدا قوعامدىق جانە كاسىپتىك دەنساۋلىق ساقتاۋ ينستيتۋتى قايتا قۇرىلعان. ماجىلىستە ەڭبەك قاۋىپسىزدىگى ماسەلەلەرى بويىنشا بىرنەشە زاڭ قارالىپ جاتىر.
«Qarmet» اق باس ديرەكتورى ۆاديم باسين ءوندىرىستى گازداندىرۋ بويىنشا اۋقىمدى جوبانىڭ باستالعانىن ايتتى. جوبا كاسىپورىننان 25 شاقىرىم جەردەگى «سارىارقا» گاز قۇبىرىنا قوسىلۋ ارقىلى جۇزەگە اسىرىلادى. وسىلايشا, كاسىپورىن جىلىنا 1,2 ملرد تەكشە مەتر تابيعي گاز كولەمىمەن قامتاماسىز ەتىلمەك.
