بۇل اكتسيانى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ عالىمدارى قىزۋ قولداپ, اۋىل تۇرعىندارىنا كىتاپ وقۋدى ناسيحاتتاۋ, ولارعا كاسىپتىك باعدار بەرۋ جۇمىسىن جۇرگىزۋ, ۋنيۆەرسيتەتكە دارىندى جاستاردى تارتۋ ماقساتىندا پاۆلودار, اباي, شىعىس قازاقستان وبلىستارىنا ىسساپارمەن بارىپ كەلدى.
ەۋرازيا ۇلتتىق ۋنيۆەرسيتەتى رەكتورىنىڭ كەڭەسشىسى ابزال تالتەنوۆتىڭ ايتۋىنشا, عالىمدار شالعاي اۋداندار مەن اۋىل تۇرعىندارىنا قازاق قالامگەرلەرىنىڭ ۇزدىك شىعارمالارىن عانا ەمەس, تانىمدىق-اعارتۋشىلىق باعىتتاعى ادەبيەتتەر مەن ۋنيۆەرسيتەت عالىمدارىنىڭ كىتاپتارىن تارتۋ ەتكەن.
«بۇل اكتسيانى ۋنيۆەرسيتەت رەكتورىنان باستاپ, بارلىق پروفەسسور-وقىتۋشى قولدادى. ءبىز وسى اكتسيا اياسىندا الىستاعى قاراتەرەك, جارما, بىرلىك, سالقىنتوبە, التاي اۋىلدارىنىڭ كىتاپحانالارىنا كەيىنگى شىققان 400 جاڭا تۋىندىنى سىيلاپ, جاس ۇرپاقتىڭ كىتاپ وقۋعا قىزىعۋشىلىعىن ارتتىرۋدى ماقسات ەتتىك. ەندى بۇل باستاماعا باسقا دا جوعارى وقۋ ورنىنداعى ارىپتەستەرىمىز بەلسەندى اتسالىسادى دەپ سەنەمىز», دەدى ول.
ەل بولاشاعىن جارقىن ەتۋدە جاستاردىڭ ۇلەسى زور. سوندىقتان تاعىلىمدى باستاما اۋىل جاستارىنىڭ قوعامدىق وي-ساناسىن جەتىلدىرىپ, رۋحاني وسۋىنە دە ءوز سەپتىگىن تيگىزەرى انىق.
