فوتو: قر ۇكىمەتىنىڭ ءباسپاسوز قىزمەتى
شىۇ ءسامميتى اياسىندا ورتالىق ازيا بويىنشا, ونىڭ ىشىندە ەنەرگەتيكا, قاۋىپسىزدىك جانە تاعى باسقا سالالارداعى الەمدىك ىنتىماقتاستىق ماسەلەلەرى تالقىلانادى.
بۇعان دەيىن قازاقستانعا رەسەي فەدەراتسياسىنىڭ پرەزيدەنتى ۆلاديمير پۋتين, بىرىككەن ۇلتتار ۇيىمىنىڭ باس حاتشىسى انتونيۋ گۋتەرريش, موڭعوليا پرەزيدەنتى ۋحنااگين حۋرەلسۋحا, ازەربايجان پرەزيدەنتى يلحام اليەۆ, پاكىستان پرەمەر-ءمينيسترى شاحباز شاريف, تاجىكستان پرەزيدەنتى ەمومالي راحمون, وزبەكستان رەسپۋبليكاسىنىڭ پرەزيدەنتى شاۆكات ميرزيوەۆ شىۇ سامميتىنە قاتىسۋ ءۇشىن كەلگەن ەدى.
ەسكە سالا كەتەيىك, 2 شىلدەدە استاناعا قىتاي حالىق رەسپۋبليكاسىنىڭ توراعاسى سي تسزينپين كەلدى. ونى اۋەجايدان مەملەكەت باسشىسى قاسىم-جومارت توقاەۆ سالتاناتتى تۇردە قارسى العانى حابارلاندى.
ايتا كەتەرلىگى, سي تسزينپين شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ 24-ءشى وتىرىسىنا قاتىسادى.
