پرەزيدەنت اكىمشىلىگىنىڭ, ماي اۋداندىق ءماسليحاتىنىڭ كەلىسىمى بويىنشا وبلىس باسشىسىنىڭ وكىمىمەن ماي اۋدانىنىڭ اكىمى بولىپ قادىلجان ساتيەۆ تاعايىندالدى.
وبلىس باسشىسى اسايىن بايحانوۆ اۋدان اكتيۆىنە جاڭا اكىمدى تانىستىردى.
«مەنىڭ وكىمىممەن ءامىرين اعىباي قويشىباي ۇلى ماي اۋدانىنىڭ اكىمى لاۋازىمىنان بوساتىلدى. ول وبلىستىڭ جەرگىلىكتى اتقارۋشى ورگاندارى جۇيەسىندە جاڭا قىزمەتتە جۇمىسىن جالعاستىرادى», دەدى وبلىس اكىمى.
قادىلجان قايىربەك ۇلى 1985 جىلى تۋعان. ەكى جوعارى ءبىلىمى بار: 2007 جىلى س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىن «ونەركاسىپتىك جانە ازاماتتىق قۇرىلىس جانە قالالىق شارۋاشىلىق» ماماندىعى بويىنشا, 2013 جىلى الماتى ەكونوميكا جانە ستاتيستيكا اكادەمياسىن «ەكونوميكا جانە بيزنەس» ماماندىعى بويىنشا اياقتاعان.
ەڭبەك جولىن 2005 جىلى جەكە سەكتوردا باستادى. مەملەكەتتىك قىزمەتتى 2009 جىلى «پاۆلودار وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى» مم-دە باس مامان بولىپ باستادى. بۇل باسقارمادا ماماننان باسقارما باسشىسىنا دەيىنگى ەڭبەك جولىنان ءوتتى.
2021 جىلدان باستاپ «پاۆلودار وبلىسىنىڭ قۇرىلىس باسقارماسى» مم باسشىسى قىزمەتىن اتقاردى. 2024 جىلى مەملەكەتتىك قىزمەت ىستەرى اگەنتتىگىنىڭ «ۇزدىك مەملەكەتتىك قىزمەتشى» ۆەدومستۆولىق ناگراداسىمەن ماراپاتتالعان.
اسايىن بايحانوۆ اعىباي امىرينگە اتقارعان جۇمىسى ءۇشىن العىس ايتىپ, جاڭا اكىمنىڭ الدىنا العاشقى كەزەكتەگى مىندەتتەردى قويدى.
«ەڭ ءتيىمدى جوبالاردى انىقتاپ, ولاردى ناقتى اياقتالۋ مەرزىمدەرىمەن ىسكە اسىرۋ بويىنشا ەگجەي-تەگجەيلى جوسپار ازىرلەۋ قاجەت. بارلىق رەسۋرستاردى جانداندىرىپ, ولاردى اۋداننىڭ ەكونوميكالىق كورسەتكىشتەرىن ارتتىرۋعا باعىتتاۋ قاجەت», دەپ اتاپ ءوتتى ءوڭىر باسشىسى.
ماڭىزدى باعىتتار - وتكىر الەۋمەتتىك ماسەلەلەردى شەشۋ, ينۆەستيتسيالار تارتۋ, اۋداننىڭ اگروونەركاسىپتىك كەشەنىن دامىتۋ, ليماندى سۋارۋ جوبالارىن ىسكە اسىرۋ.
