فوتو:opennews.kz
تالدانىپ وتىرعان كەزەڭدە دەپارتامەنت جۇرگىزىلگەن تەكسەرۋلەر مەن وتىنىشتەردى قاراۋ قورىتىندىلارى بويىنشا 44 مەملەكەتتىك قىزمەتشىنىڭ قۇقىعىن قورعاپ, قالپىنا كەلتىرگەن. ولاردىڭ باسىم بولىگى مەملەكەتتىك ورگانداردا پروفيلاكتيكالىق باقىلاۋ قورىتىندىلارى بويىنشا – 39 جانە 5 جوسپاردان تىس تەكسەرۋلەر مەن ازاماتتاردىڭ وتىنىشتەرى بويىنشا.
ماسەلەن, جاقسى اۋدانىنىڭ جەرگىلىكتى اتقارۋشى ورگاندارىنىڭ ءبىرىنىڭ دەربەس ءبولىمى باسشىسىنىڭ بوس مەملەكەتتىك اكىمشىلىك لاۋازىمىنا ورنالاسۋعا كونكۋرسقا قاتىسۋشىنىڭ ءوتىنىشى نەگىزىندە دەپارتامەنت تەكسەرۋ جۇرگىزگەن, ونىڭ بارىسىندا كونكۋرستىق ىرىكتەۋ راسىمدەرىنىڭ بۇزىلۋى انىقتالىپ, كونكۋرس قورىتىندىلارى جويىلدى. ال كىنالى تۇلعالار اكىمشىلىك جاۋاپكەرشىلىككە تارتىلدى.
باسقا جاعدايدا, قىزمەتشى تارتىپتىك جازا قولدانۋ تۋرالى اكتىگە شاعىمداندى, جۇرگىزىلگەن تەكسەرۋدىڭ قورىتىندىلارى بويىنشا دەپارتامەنت انىقتالعان بۇزۋشىلىقتاردى جويۋ جانە زاڭسىز شىعارىلعان اكتىنىڭ كۇشىن جويۋ تۋرالى ورىنداۋعا مىندەتتى نۇسقاما ەنگىزگەن.
ايتا كەتەرلىگى, دەپارتامەنت تالداۋ جۇمىستارىن جۇرگىزۋگە كوپ كوڭىل بولەدى, ونىڭ قورىتىندىسى بويىنشا قىزمەتشىلەردىڭ قۇقىقتارىن قالپىنا كەلتىرۋ تۋرالى شارالار قابىلدانىپ جاتىر.
بيىلعى جىلى مەملەكەتتىك قىزمەت سالاسىنداعى باقىلاۋ جەلىسى بويىنشا دەپارتامەنتپەن 10-عا جۋىق تالداۋ جۇرگىزىلىپ, ولاردىڭ ناتيجەلەرى بويىنشا 64 مەملەكەتتىك قىزمەتشىنىڭ قۇقىعى قالپىنا كەلتىرىلگەن.
مىسالى, دەمالىس بەرۋ جانە قىزمەتشىلەردى ىسساپارعا جىبەرۋ كەزىندە زاڭناما تالاپتارىنىڭ ساقتالۋىنا تالداۋ قورىتىندىسى بويىنشا دەپارتامەنتپەن قىزمەتشىلەردىڭ قۇقىقتارىن بۇزۋ فاكتىلەرى انىقتالعان.
«قازاقستان رەسپۋبليكاسىنىڭ مەملەكەتتىك قىزمەت تۋرالى» زاڭنىڭ 57-بابىنىڭ 1-تارماعىنا سايكەس مەملەكەتتىك قىزمەتشىلەرگە قىزمەتتىك ىسساپارلارعا ارنالعان شىعىستار وتەلەدى. بۇدان باسقا, قىزمەتتىك ىسساپارلارعا ارنالعان شىعىستاردى وتەۋ قاعيدالارىنا سايكەس ىسساپارعا كەتەر الدىندا ىسساپارعا جىبەرىلگەن قىزمەتكەرگە جول اقىسىن تولەۋگە تيەسىلى سوما, تۇرعىن ءۇي-جايدى جالداۋ بويىنشا شىعىستار جانە تاۋلىكتىك سوما بەرىلەدى.
ءوز كەزەگىندە, دەپارتامەنت جۇرگىزگەن تالداۋدا جالپى سوماسى 243 700 تەڭگەگە ۋاقتىلى تولەمەۋدىڭ 95 فاكتىسى جانە ءىسساپار شىعىستارىن تولەمەۋدىڭ 8 فاكتىسى انىقتالدى. سونداي-اق زاڭنىڭ 54-بابى 1-تارماعىنىڭ مەملەكەتتىك قىزمەتشىلەردىڭ جىل سايىنعى ەڭبەك دەمالىستارىن ۋاقتىلى تولەمەۋ بويىنشا 33 بۇزۋشىلىق انىقتالعان.
جۇرگىزىلگەن تالداۋ قورىتىندىسىمەن 48 قىزمەتشىنىڭ قۇقىعى قالپىنا كەلتىرىلگەن, اتاپ ايتقاندا, دەپارتامەنت تالاپتارىنىڭ نەگىزىندە قىزمەتشىلەرگە ءىسساپار شىعىستارىنىڭ تيەسىلى سومالارى جانە دەمالىسقا جالپى سوماسى 400 مىڭ تەڭگەدەن استام ۋاقىت تولەمەگەنى ءۇشىن ءوسىمپۇل تولەندى.
سونىمەن قاتار مەملەكەتتىك ورگانداردىڭ تارتىپتىك پراكتيكاسىن تالداۋ قورىتىندىسى بويىنشا جازا قولدانۋ تۋرالى 10 زاڭسىز اكتىنىڭ كۇشى جويىلدى. بۇل رەتتە زاڭنىڭ 9-بابىنىڭ 14) تارماعىنا سايكەس مەملەكەتتىك قىزمەتشى ونىڭ پىكىرى بويىنشا نەگىزسىز ايىپتار بولعان كەزدە قىزمەتتىك تەرگەپ-تەكسەرۋدى تالاپ ەتۋگە قۇقىلى ەكەنىن اتاپ وتكەن ءجون.
سونىمەن قاتار مەملەكەتتىك قىزمەتشىلەرگە تارتىپتىك جازا قولدانۋ قاعيدالارى, ەگەر مەملەكەتتىك قىزمەتشى جازباشا تۇسىنىكتەمەسىندە وعان تاعىلعان تەرىس قىلىقپەن كەلىسپەگەن جاعدايدا, مەملەكەتتىك ورگانداردى قىزمەتتىك تەرگەۋ تاعايىنداۋعا مىندەتتەيدى. الايدا تاجىريبە كورسەتكەندەي, ۋاكىلەتتى ادامدار كورسەتىلگەن تالاپتاردى ەسكەرمەي, قىزمەتتىك تەرگەپ-تەكسەرۋ جۇرگىزبەستەن, كەلىسىمى بولماعان كەزدە قىزمەتشىلەرگە جازا قولدانادى, جەكەلەگەن جاعدايلاردا جانە اكت شىعارار الدىندا جازباشا تۇسىنىكتەمە تالاپ ەتپەيدى.
جۇمىس ۋاقىتىنىڭ رەجيمىن ساقتاۋ مونيتورينگى بويىنشا جۇرگىزىلەتىن جۇمىستىڭ قورىتىندىسى بويىنشا 99 قىزمەتشىنىڭ قۇقىعى قورعالىپ, قالپىنا كەلتىرىلدى. وسىلايشا 17 مەملەكەتتىك ورگانعا بارۋ قورىتىندىسى بويىنشا 7 اكت جاسالعان, ونىڭ نەگىزىندە 18 قىزمەتشىگە دەمالىس ساعاتتارى بەرىلىپ جانە 81 قىزمەتشىنىڭ قۇقىقتارى ەسەپكە الۋدى باقىلاۋ جۇيەسىنىڭ مونيتورينگى ارقىلى قالپىنا كەلتىرىلگەن.
بارلىق قابىلدانعان شارالار ەڭبەك بۇزۋشىلىقتارىنىڭ سانىن قىسقارتۋعا, سول ارقىلى مەملەكەتتىك قىزمەتشىلەردىڭ قۇقىقتارى مەن زاڭدى مۇددەلەرىن قورعاۋدى ىسكە اسىرۋدى قامتاماسىز ەتۋگە مۇمكىندىك بەرەدى.
