جىلقىلار مەن تۇيەلەر كوشە كەزىپ, كولىكتەرگە كەدەرگى كەلتىرۋدە

اقتاۋدا كوشە كەزگەن مالدارمەن كۇرەسۋ – كوپ جىلداردان بەرى ايتىلىپ جانە شەشىمىن تاپپاي كەلە جاتقان ماسەلە, ەندى ولاردىڭ قاتارىنا قامبار اتا مەن ويسىلقارا ۇرپاقتارى ەنگىزىلدى. اقتاۋدا جاسىل الاڭقايلار كوزدىڭ قاراشىعىنداي قورعا­­­لادى. سوڭعى كەزدەرى ءتارتىپ پەن تازالىق ماسەلەسى دە مىقتاپ قولعا الىنعان. ءىشىپ-جەگەنى­نىڭ قالدىعىن كەز كەلگەن ورىنعا تاستاي سالعاندار سول بويدا جەرگىلىكتى تەلەارنا ارقى­لى جالپاق جۇرتقا ءاجۋا بولىپ, ءوز قوقىسىن قولىمەن كوتەرۋگە ءماجبۇر. الايدا, قالا ماڭىن­داعى اۋىلداردىڭ مالدارى, اسىرەسە, جىلقىلار قالا ىشىندە سايرانداۋعا قۇمار. شاعىن اۋدانداردىڭ و شەتىنەن كىرىپ, بۇ شەتىنەن شىعىپ, كەي جاعداي­لاردا جول-كولىك قاتىناسىنا كادىمگىدەي قاۋىپ ءتون­­دىرەتىن ولار سۋسىز ايماق الاقان­دا ايالاپ وتىرعان جاسىل الاڭ­قايلار­دى ءاپ-ساتتە وتاپ, جۋساپ كەتەدى. بۇعان دەيىن اقتاۋ قالا­لىق ىشكى ىستەر ءبولىمى ايىپ تۇراعىنا قاماعانمەن, ول ءتيىمسىز بولىپ تابىلعان. ەندى قالا كەزگەن قاراۋسىز مالداردى  قولعا تۇسىرگەن پوليتسيا قىزمەتكەرلەرى ولاردى مال سويۋ پۋنكتتەرىنە وتكىز­بەك. قازىرگى تاڭدا اقتاۋدا ءتورت مال سويۋ پۋنكتى بار. سول جەردە وزگە مالدارمەن بىرگە سۋارىلىپ, ازىقتاندىرىلاتىن مالداردىڭ انىقتالعان ناقتى يەلەرى جەمشوپ اقىسىمەن بىرگە, ايىپپۇل دا تولەيتىن بولادى, ال يەسى تابىلماعان جاعدايدا جىلقىلار ەتكە وتكىزىلەدى. ال اقتاۋ قالالىق كاس­ىپ­كەرلىك, اۋىل شارۋاشىلىعى جانە ۆەتەريناريا ءبولىمى قىز­مەتكەرلەرى جۋىق ارادا جەكە مالداردىڭ ارنايى بەلگى تاعۋدان وتكىزىلەتىندىگىن, سودان سوڭ «بۇزىق» مال يەلەرىن قينالماي تابۋعا بولاتىندىعىن ايتۋدا. «قورشاعان ورتانىڭ تازا­لىعىن ساقتاۋعا تۇسىنىگى بار ادام­داردى ۇيرەتۋ وڭاي بولماي تۇرعاندا, مال بالاسىن ۇيرەتۋ قايدان وڭاي بولسىن» دەگەن وي كەلەدى ەكەن... سونداي-اق, اقتاۋدا اقپان ايىنان باستاپ, قاڭعىباس كۇشىكتەر مەن يتتەردى اۋلاۋ جانە جويۋ جۇمىستارى جۇرگىزىلمەك. وتكەن جىلدىڭ سوڭىندا قۇرىلعان ارنايى ۆەتەرينارلىق ستانسا ۇيىمداستىراتىن بۇل جۇ­مىستار ءۇشىن ارنايى ءموبيلدى جىلجىمالى كرەماتوريلەر ساتىپ الىنۋى مۇمكىن. گۇلايىم شىنتەمىرقىزى, «ەگەمەن قازاقستان». ماڭعىستاۋ وبلىسى.