ءىnbusiness.kz جازعانداي, "بالالارىمىزعا جاقسى قاراپ جاتىر" دەپ سەنىپ جۇرگەن اتا-انالار مىنا جاعدايدان كەيىن بىردەن دابىل قاقتى.
بالالارنىڭ بالاباقشاعا بارۋعا قارسىلىق تانىتقانىن سەزگەن اتا-انالار اتالعان ورتالىق باسشىنىڭ مىندەتىن اتقارۋشىسىنان ۆيدەو كامەرەلاردى تەكسەرىپ كورۋدى سۇراعان. بۇلدىرشىندەرگە قول كوتەرگەن الگى تاربيەشىنىڭ دورەكى قىلىعى بەينەجازبادا ساقتالىپ قالعان.
بالالاردىڭ اتا-انالارىنىڭ ايتۋىنشا, ۆيدەودا مۇعالىمنىڭ بالالارعا دورەكى قارىم-قاتىناس جاساعانى, ءبىر قىزدى سەبەپسىز ارقاسىنان يتەرىپ جىبەرگەنى, ءبىر بالانى جەلكەسىنەن يتەرىپ, تاعى ءبىر بالانىڭ باسىنان ويىنشىقپەن ۇرعانىن كورۋگە بولادى. سونىمەن قاتار, ايەلدىڭ بالالارعا ۇرسىپ جاتقانى انىق بايقالادى.
- 1 شىلدەدە پاۆلودار قالاسىنداعى بالاباقشانىڭ ورتاڭعى توبىنىڭ اتا-انالارى بەينەباقىلاۋ كامەرالارىن قاراۋدى ءوتىنىپ, باسشىنىڭ مىندەتىن اتقارۋشىعا جۇگىندى. 2024 جىلعى 26-27 ماۋسىمداعى كۇندىزگى جازبالاردى قاراۋ كەزىندە مۇعالىمنىڭ دورەكى قارىم-قاتىناس فاكتىسى تىركەلدى. قازىرگى ۋاقىتتا مۇعالىم جۇمىستان بوساتىلدى, – دەدى پاۆلودار قالالىق ءبىلىم ءبولىمىنىڭ باسشىسى قۋانىش قىدرالين.
سونداي-اق, ءبىلىم ءبولىمى بۇل وقيعا تۋرالى اتا-انالاردىڭ شاعىمىنان كەيىن عانا بىلگەنىن قوستى.
- بالاباقشا ديرەكتورى دەمالىستا. ءبىلىم بولىمىنە دەر كەزىندە حابار بەرمەگەنى ءۇشىن بارلىق ماتەريالدار قۇقىق قورعاۋ ورگاندارىنا بەرىلەدى, – دەدى قىدرالين.
