قوعام • 02 شىلدە, 2024

شىۇ ءسامميتى: استانادا مەديتسينا ۇيىمدارى قالاي جۇمىس ىستەيدى؟

120 رەت
كورسەتىلدى
1 مين
وقۋ ءۇشىن

استانا اكىمدىگى شانحاي ىنتىماقتاستىق ۇيىمىنىڭ (شىۇ) ءسامميتى كەزىندە قالاداعى ەمحانالار مەن اۋرۋحانالار قالاي جۇمىس ىستەيتىنىن ءتۇسىندىردى, دەپ حابارلايدى Egemen.kz.

شىۇ ءسامميتى: استانادا مەديتسينا ۇيىمدارى قالاي جۇمىس ىستەيدى؟

فوتو: akorda.kz

ەسكە سالايىق, شىۇ ءسامميتى 3-4 شىلدە كۇندەرى وتەدى.

«وسى كۇندەرى قالاداعى جەدەل جاردەم ستانتسياسى, ەمحانالار مەن اۋرۋحانالار قالىپتى رەجيمدە جۇمىس ىستەيدى», دەپ حابارلادى استانا اكىمدىگىنىڭ ءباسپاسوز قىزمەتى.

قالالىق اۋرۋحانالار ازاماتتاردى ادەتتەگىدەي تاۋلىك بويى قابىلدايدى. جەدەل جانە شۇعىل مەديتسينالىق كومەك كورسەتۋگە تولىق ازىرلىك قامتاماسىز ەتىلدى, رەزەرۆتىك مامانداندىرىلعان پالاتالار ءبولىندى.

ەمحانالار دا ادەتتەگىدەي جۇمىس ىستەيدى. العاشقى مەديتسينالىق-سانيتارلىق كومەك ۇيىمدارى ساعات 08:00-دەن 20:00-گە دەيىن جۇمىس ىستەيدى, اكتيۆتەر مەن قوڭىراۋلاردى قابىلداۋ 08:00-دەن 16:00-گە دەيىن ىسكە اسىرىلادى. جەدەل مەديتسينالىق قىزمەتتەر تاۋلىك بويى جۇمىس ىستەيدى, بۇل ناۋقاستارعا كومەك كورسەتۋدە قولجەتىمدىلىك پەن جەدەلدىكتى قامتاماسىز ەتەدى.

سوڭعى جاڭالىقتار