فوتو:اشىق دەرەككوز
انىقتالعانداي, سوتتالۋشى 17 ءساۋىر كۇنى سكەيتبوردپەن جاياۋ جۇرگىنشى جولاعىندا قاۋىپسىزدىك شارالارىن ساقتاماي كەلە جاتىپ, كىشكەنتاي قىزدى قاعىپ كەتكەن. دارىگەرلەردىڭ ايتۋىنشا, جابىرلەنۋشىگە باس سۇيەك بولىگىنىڭ سىنۋى جانە ميدىڭ شايقالۋى دياگنوزى قويىلعان.
سوتتا قىلمىستىق كودەكستىڭ 114-بابىنىڭ 3-بولىگى «ابايسىزدا دەنساۋلىققا اۋىر زيان كەلتىرۋ» بويىنشا قىلمىستىق ءىس قارالدى.
مەملەكەتتىك ايىپتاۋشى سوتتالۋشىنى كىنالى دەپ تانىپ, 6 ايعا باس بوستاندىعىن شەكتەۋ جازاسىن تاعايىنداۋدى سۇراعان. ال جابىرلەنۋشى تاراپتىڭ وكىلى قىلمىسكەردى زاڭ اياسىندا جاۋاپقا تارتۋدى تالاپ ەتكەن.
سوتتالۋشى كىناسىن مويىندادى. ءىستىڭ بارلىق ءمان-جايىن ەسكەرە وتىرىپ, سوت ونى التى ايعا باس بوستاندىعىنان ايىرۋ تۋرالى ۇكىم شىعاردى. ۇكىمدى جاريالاۋ كەزىندە سۋديا قاتاڭ جازا قولدانۋدى تالاپ ەتكەن جابىرلەنۋشى تاراپتىڭ پىكىرىن ەسكەرگەنى اتاپ وتىلگەن.
