فوتو:اقمولا وبلىسى تجد
«توتەنشە جاعداي بولعان كەزدە ول ابدىراپ قالماي, بىردەن ۇيدەگى ەلەكتر قۋاتىن ءوشىرىپ, ءورت سوندىرۋشىلەردى شاقىرعان, كەيىن ءبىر جاسار ءىنىسىن قولىنا الىپ, تەرەزەدەن شىعىپ كەتكەن. فۋتبول ويناپ اياعىن جاراقاتتاپ العان جاس ققتقارۋشى سول كەزدە گيپسپەن جۇرگەن», دەپ حابارلادى تجد ءباسپاسوز قىزمەتى.
ارتۋر گايتوۆ ءوزىن باتىر سانامايتىنىن, بۇل ونىڭ ازاماتتىق پارىزى ەكەنىن جەتكىزدى.
«مەن گاردەروب جاقتان ءبىر دىبىستى ەستىدىم. ول جەرگە جۇگىرىپ بارىپ, ءورت بولىپ جاتقانىن كوردىم. مەن ەسىكتى جاۋىپ, ءىنىمدى الىپ, الىس بولمەگە جۇگىردىم. وندا مەن قوسقىشتى اجىراتىپ, تەرەزەدەن سەكىردىم», دەدى ارتۋر.
ۇلداردىڭ اناسى بالالارى ۇيدە ءجيى جالعىز قالاتىنىن ايتتى.
اقمولا وبلىسى تجد باستىعىنىڭ ورىنباسارى اسحات اقىلجانوۆ قر تج ءمينيسترىنىڭ جارلىعىمەن 10 جاسار باتىرعا «ورتتە كورسەتكەن قايسارلىعى ءۇشىن» مەدالىن تاقتى.
ايتا كەتەرلىگى, وقۋشى بولاشاقتا قۇتقارۋشى بولۋدى قالايتىنىن اتاپ ءوتتى.
