ەكىباستۇز جىلىتۋ ماۋسىمىنا دايىن با؟

پاۆلودار وبلىسىنا جۇمىس ساپارى بارىسىندا ۇكىمەت باسشى­سىنىڭ ءبىرىنشى ورىنباسارى رومان سكليار ەكىباستۇز قالاسىنىڭ جىلۋمەن جابدىقتاۋ كوزدەرىندەگى جوندەۋ جۇمىستارىنىڭ بارىسىمەن تانىستى. بۇگىندە ەكىباستۇز ماەس-2-ءنى كەڭەيتۋ جانە رەكونسترۋكتسيالاۋ جوباسى ىسكە اسىپ جاتىر. بۇل ءۇشىن وندىرىستە №3, 4 ەنەرگيا بلوكتەرىن ورناتۋ كوزدەلگەن. ناتيجەسىندە, كاسىپورىن جىلىنا قوسىمشا 6,8 ملرد كۆت/ساعات ەنەرگيا وندىرەدى جانە ستانسانىڭ بەلگىلەنگەن قۋاتىن 1 مىڭ مۆت-قا ارتتىرادى.

«ۇكىمەت تاراپىنان بارلىق ءتيىستى شەشىمدەر قابىلداندى. جاب­دىق وندىرۋشىلەرمەن, ەكس­پورت­تىق قارجىلاندىرۋمەن كەلى­سىم­دەر شەشىلدى, سوندىقتان بيىل كۇزدە جۇمىستى باستاۋعا كىرىسى­ڭىزدەر», دەدى ءبىرىنشى ۆيتسە-پرەمەر.

رومان سكليار ب.نۇرجانوۆ اتىن­داعى «ەكىباستۇز ماەس-1» جشس قىز­مەتىمەن تانىستى. «جاڭا ەلەكتر سۇزگىلەرىن ورناتۋمەن №1 ەنەر­­گيا بلوگىن قالپىنا كەل­تىرۋ» جو­با­سى – قولدانىستان شىعارىل­عان ەنەرگيا بلوكتەرىن قالپى­نا كەل­تىرۋ جونىندەگى ءۇش جوبانىڭ سوڭ­عى­سى. ول ستانسانىڭ قازىرگى جو­با­لىق قۋاتىن 4 مىڭ مۆت-قا دەيىن ۇلعايتۋ ماقساتىندا ىسكە اسىرى­لىپ جاتىر. ستانسادا جوبانى جۇ­زەگە اسىرۋ كەزىندە 1,1 مىڭ قىزمەت­كەر جۇمىلدىرىلعان. ماەس-ءتى قىس­قى كەزەڭگە دايىنداۋ جوسپار بويى­نشا جۇرگىزىلىپ جاتىر.

سونداي-اق جاقىندا ستانسا­نىڭ ءتورت ەنەرگيا بلوگىنىڭ توق­تاپ قالۋىنا قاتىستى ماسەلە ءتۇسىندىرىلدى. وكىنىشكە قاراي, مۇنداي جاعدايلار ورىن الىپ تۇرادى. دەگەنمەن تۇتىنۋشىلارعا ەلەكتر قۋاتىن بەرۋ ۇزىلگەن جوق. رومان سكليار جاعدايدى مۇقيات زەرتتەپ, تاۋەكەلدەردى ازايتۋ ءۇشىن قاجەتتى شارالاردى قابىلداۋ قاجەت ەكەنىن اتاپ ءوتتى.

«قىس باستالعانشا سورعى قون­دىرعىلارىنىڭ سەنىمدى جۇ­مىس ىستەۋىن قامتاماسىز ەتىپ, نەگىزگى جاب­دىقتاردىڭ توزۋىن بارىن­شا ازايتۋ كەرەك. توتەنشە جاعدايلاردىڭ الدىن الۋ ءۇشىن بارلىق قاجەتتى شارالاردى قابىلداۋ قاجەت», دەدى ۆيتسە-پرەمەر.

پاۆلودار وبلىسىنىڭ اكىمى اسايىن بايحانوۆ ەكىباستۇز قالاسىنىڭ جالپى ۇزىندىعى 4 شاقىرىمعا جۋىق ءىرى جىلۋ ماگيسترالدەرى – تم-1 جانە تم-3 نىساندارىن رەكونسترۋكتسيالاۋ جۇمىستارى تۋرالى باياندادى.

«ۇكىمەت رەزەرۆىنەن 3,6 ملرد تەڭگە ءبولىندى. بۇل جەلىلەردى جاڭارتۋ 87-دەن استام كوپقاباتتى ءۇيدى, 8 مىڭنان استام ادام تۇراتىن 500-دەن استام جەكە تۇرعىن ءۇيدى جىلۋمەن جابدىقتاۋ جۇيەسىن جاقسارتۋعا مۇمكىندىك بەرەدى», – دەپ اتاپ ءوتتى ءوڭىر باسشىسى. وتكەن جىلى مۇندا جالپى ۇزىندىعى 5,3 شاقىرىم بولاتىن 4 جىلۋ ماگيسترالى رەكونسترۋكتسيالاندى. بۇعان قوسا, ۇكىمەت رەزەرۆى­نەن ۇزىندىعى 3,5 كم بولاتىن جا­ڭا №7/1 جىلۋ ماگيسترالىن سالۋ­عا قاراجات ءبولىندى. قازىرگى تاڭدا گيدراۆليكالىق سىناق جۇمىستارى جۇرگىزىلىپ, اتالعان نىسان پايدا­لانۋعا بەرىلدى. 4 كە­زەڭنەن تۇرعان سىناقتار وتكەن ماۋسىمدا 70 كم-گە جۋىق جەلىنى اۋىستىرۋ ەسەبىنەن زاقىمدانۋ فاكتىلەرىنىڭ 2 ەسە ازايعانىن انىقتادى.

رومان سكليار تم-7 جىلۋ ماگيسترالىن رەكونسترۋكتسيالاۋ­عا قاتىستى تاعى ءبىر جوبانى قول­داۋعا ۋادە بەردى, وعان دايىن­دىق سمەتا­لىق جۇمىستارى بۇگىن­دە جۇرگىزىلگەن. بۇل كۇردەلى ۋچاس­كە, ونى قايتا قۇرۋ №15 شاعىن اۋداندى جىلۋمەن جابدىقتاۋ پارامەترلەرىن جاقسارتادى.
جالپى العاندا, وبلىس بويىنشا جەو مەن جەلىلەردى جوندەۋ جۇمىستارى مەرزىمدەردى ساقتاي وتى­رىپ جۇرگىزىلۋدە. اقسۋدا ال­عاش رەت ورامىشىلىك جەلىلەر قايتا جاڭعىرتىلىپ جاتىر. پاۆلوداردا جەلىلەردى جوندەۋ جۇمىستارىن قىركۇيەك ايىنىڭ باسىنا دەيىن اياقتاۋ جوسپاردا بار.

مەملەكەت باسشىسىنىڭ تكش ينفراقۇرىلىمىن كەشەندى قالپىنا كەلتىرۋ جونىندەگى تاپسىرمالارىن ورىنداۋ اياسىندا ۇكىمەت ەكىباستۇز جىلۋ ەلەكتر ورتالىعىن ودان ءارى جاڭعىرتۋعا: ءتورت قازاندىق اگرەگاتىن كۇردەلى جانە اعىمداعى جوندەۋگە جانە تۇندىرىلعان سۋ ماگيسترالىن سالۋعا 3,4 ملرد تەڭگە ءبولدى. جۇمىس ساپارى بارىسىندا رومان سكليار ەكىباستۇز جەو-دا جۇرگىزىلىپ جاتقان جوندەۋ جۇمىستارىنىڭ بارىسىن تەكسەردى.

كاسىپورىن باسشىلىعى جۇ­مىس كەستەگە سايكەس ءجۇرىپ جاتقا­نىن, جىلىتۋ ماۋسىمىندا ستانسا 7 قازاندىقپەن جۇمىس ىستەيتىنىن, ال 3 قازاندىق رەزەرۆتە بولاتىنىن حابارلادى.

سونىمەن قاتار جەو-نى كۇل­دەن گيدراۆليكالىق تازارتۋ ءۇشىن تۇندىرىلعان سۋمەن قامتاماسىز ەتەتىن قۇبىردىڭ توزىعى جەتكەن. تۇندىرىلعان سۋدىڭ جاڭا ماگيسترالىن سالۋ جوباسىن ىسكە اسىرۋعا قاراجات ءبولىنىپ, جۇمىستار باستالىپ كەتكەن. جوبا بيىلعى قازان ايىندا اياقتالادى دەپ كتۇىلىپ وتىر.

رومان سكليار جاڭا جىلىتۋ ماۋسىمىنا دايىندىققا اسا جاۋاپكەرشىلىكپەن قاراۋدى, بارلىق قاجەتتى جوندەۋ جۇمىس­تارى ساپالى ءارى ۋاقتىلى جۇر­گىزىلۋى كەرەك ەكەنىن ەسكەرتتى.

بۇعان قوسا, ول «بوگاتىر» كومىر كەنىشىندەگى تسيكلدى-تولاسسىز تەحنولوگيانىڭ يننوۆاتسيالىق جوباسىمەن تانىستى. تسيكلدى-تولاسسىز كەشەننىڭ اۋقىمدى قۇرىلىسى كەزىندە 40 مىڭ­نان استام تەمىر-بەتون كونسترۋك­تسيا­س­ى قولدانىلدى, 174 مىڭ شار­­شى مەتر اۋماققا سالماعى 15 مىڭ توننادان اساتىن جابدىق مونتاجدالدى. ءۇش جىلدىڭ ىشىندە تستت نىساندارىنىڭ قۇرىلىسىنا قازاقستاندىق كومپانيالاردىڭ مەردىگەرلىك ۇيىمدارىنىڭ 430 قىزمەتكەرى مەن 30 نەمىس مامانى تارتىلدى.

تستت جوباسىنىڭ باستى ءمانى – توزىعى جەتكەن نەگىزگى تەحنو­لوگيالىق جابدىقتاردى جاڭارتۋ جانە 230 مەتر تەرەڭدىكتەن كومىر قورلارىن تولىق جانە ۇتىمدى قازىپ الۋدى قامتاماسىز ەتۋ. بۇل – بۇرىنعى تەمىرجول تەحنولوگيا­سىن پايدالانۋ كەزىندە مۇمكىن ەمەس ەدى.

سونداي-اق ءبىرىنشى ۆيتسە-پرەمەرگە تۇرعىن ءۇي قۇرىلىسى­نىڭ بارىسى تۋرالى اقپارات بەرىلدى. وتكەن جىلى ەكىباستۇزدا 3 كوپ­­قاباتتى تۇرعىن ءۇي پايدا­لانۋعا بەرىلگەن بولاتىن. بارلىعى 4 جىل ىشىندە 21 كوپقاباتتى تۇرعىن ءۇي سالىندى. بۇگىنگى تاڭدا جەكە ينۆەستيتسيالار ەسەبىنەن تاعى 3 جوبا جۇزەگە اسىرىلىپ جاتىر. وعان قوسا 7 بەس قاباتتى ءۇي سالۋعا دايىن جوبالار بار.

پاۆلودار وبلىسى