ءۇشىنشى ماۋسىمدا قحر توراعاسى سي تسزينپين سويلەگەن سوزدەرىندە نەمەسە ماقالالارىندا قولدانعان, نەگىزىنەن بىرلىكتە وركەندەۋ, ەكولوگيانى قورعاۋ, مادەني قۇندىلىقتاردى مۇرا ەتىپ قالدىرۋ, وركەنيەت ارالۋاندىعى سەكىلدى تاقىرىپتاردى قامتيتىن كونە قىتاي اڭىزدارىنداعى, تاريحي جانە فيلوسوفيالىق تراكتاتتارىنداعى دەرەكسوزدەر جيناقتالعان. تسيكلدەن قىتاي كوشباسشىسىنىڭ مەملەكەت باسقارۋدا قانداي يدەيالاردى باسشىلىققا الاتىنى, ونىڭ وتكەن مەن بۇگىنگە كوزقاراسى قانداي ەكەنى ايقىن اڭعارىلادى. باعدارلامالار تسيكلى شەتەل اۋديتورياسىنا, سونىڭ ىشىندە قازاقستان كورەرمەندەرىنە قىتاي ساياسي وي-ساناسىنىڭ باستاۋلارى مەن دامۋ جولدارىن, تاريحي ءمانماتىنى مەن قىتاي ۇلگىسىندەگى جاڭعىرۋلاردىڭ مادەني ءتۇپ-تامىرلارىن جانە دە قىتايدىڭ دامۋى قازىرگى الەمگە نە بەرەتىنىن تۇسىنۋگە مۇمكىندىك تۋعىزادى.
قازاق تىلىندەگى نۇسقاسىندا ەكپىن مادەنيەتتەردىڭ كوپقىرلىلىعىنا, بەيبىت قاتار ءومىر سۇرۋگە, تاعدىرلار ورتاقتىعىنا ءتۇسىرىلىپ, سي ءتسزينپيننىڭ ادامزاتتىڭ ءبىرتۇتاس تاعدىرلى قوعامداستىق قۇرۋداعى يدەيالارى مەن ەلدەردىڭ ء«بىر بەلدەۋ – ءبىر جول» باستاماسى اياسىنداعى ءوزارا ءىس-قيمىلى ناقتى كورسەتىلگەن. مىسالى, دەرەكسوزدەردىڭ ءبىرى «ۇشپاتشالىق حرونيكاسى» جىلناماسىنان الىنعان. ونىڭ اۋدارماسى مىناداي: ء«دامى ءتىل ۇيىرەتىن سورپانىڭ سىرى – ءتۇرلى دامدەۋىشتەردىڭ ۇيلەسىمىندە». ول ءتۇرلى ەلدىڭ سان قيلى تاريحي جولدارى مەن ۇلتتىق ەرەكشەلىكتەرى, ەتنوستىق سيپاتتامالارى مەن داستۇرلەرى الۋان مادەنيەتتەر مەن وركەنيەتتەر تۋىنداتىپ, دۇنيەنى باي ءارى كوپقىرلى ەتە تۇسكەنىن اتاپ كورسەتە كەلىپ, قىتايدىڭ وركەنيەتتەر ارتۇرلىلىگىنە كوزقاراسىن بىلدىرەدى.
«سي ءتسزينپيننىڭ سۇيىكتى قاناتتى سوزدەرىنىڭ» ءۇشىنشى ماۋسىمى قازاق تىلىندە «اتامەكەن بيزنەس» تەلەارناسىنىڭ ەفيرى مەن باسقا دا مەدياپلاتفورمالاردا كورسەتىلەدى. سونداي-اق جوبا «دەلوۆوي كازاحستان» گازەتىندە, «كاراۆان», Lada.kz, Baigenews.kz ينتەرنەت-پورتالدارىندا جانە باسقا اقپارات كوزدەرىندە جاريالانادى.
