فوتو: kz.oqu.news
سۋ رەسۋرستارى جانە يرريگاتسيا مينيسترلىگىنىڭ مالىمەتىنشە تەڭىز دەڭگەيىنىڭ كوتەرىلۋىنە ءساۋىر-مامىر ايلارىندا جايىق وزەنى ارقىلى تاسقىن سۋىنىڭ مول كەلۋى اسەر ەتكەن. سونداي-اق سۋ رەسۋرستارى جانە يرريگاتسيا مينيسترلىگى مەن جەرگىلىكتى اكىمدىك بىرلەسىپ سالعان قوسىمشا ارنالاردىڭ كوپ كومەگى بولعان.
ەستەرىڭىزگە سالا كەتەيىك, سۋ تاسقىنى كەزىندە كاسپي تەڭىزىنە جايىق وزەنى ارقىلى شامامەن 7,4 ملرد تەكشە مەتر سۋ جىبەرىلدى. تاسقىن سۋىن تەڭىزگە وتكىزۋ ءۇشىن اتىراۋ وبلىسى بويىنشا «قازسۋشار» فيليالى قوسىمشا كانالداردى پايدالاندى. ول ارنالار ارقىلى كاسپيگە 350 ملن تەكشە مەتر سۋ كەلدى.
«قازسۋشار» ماماندارى ارنالاردىڭ بارلىعىندا تازارتۋ, نىعايتۋ جانە باسقا دا جۇمىستاردى جۇرگىزدى. مىسالى, «سوكولوك» كانالىنىڭ بويىندا ۇزىندىعى 14,5 شاقىرىم بولاتىن قوسىمشا كانال قازىلدى, ول ارقىلى تاسقىن سۋى كاسپيگە جىبەرىلدى.
«تاسقىن سۋى تەك سۋ قويمالارىنا جينالىپ قانا قويماي, 12,4 ميلليارد تەكشە مەتر سۋ توعاندارعا, ليماندار مەن تابيعي شابىندىقتارعا جىبەرىلدى. سۋ تاسقىنى باستالعاننان بەرى بالقاش كولىنە 3,3 ملرد تەكشە مەتر سۋ جىبەرىلدى. سونىمەن قاتار سولتۇستىك ارالعا سۋ جىبەرۋ جۇمىسى جالعاسىپ جاتىر. جىل باسىنان تەڭىزگە 1,1 ملرد تەكشە مەتردەن استام سۋ كەلدى», دەدى سۋ رەسۋرستارى جانە يرريگاتسيا ۆيتسە-ءمينيسترى نۇرلان الدامجاروۆ.
