قاراتوبە اۋدانىنىڭ قورجىن اۋلىندا «اقجاي̆ىق» قورى ەسەبىنەن 2,8 ملرد تەڭگەگە 90 تيپتىك ءۇي سالىنۋدا. ۇيلەردى تامىز ايىندا تاپسىرۋ جوسپارلانىپ وتىر.
سىرىم اۋدانىنىڭ ەكى اۋلىندا قۇرىلىس قارقىندى ءجۇرىپ جاتىر. ولەڭتى اۋلىندا «قازاقستان حالقىنا» قورى ەسەبىنەن 1,1 ملرد تەڭگەگە 36 تيپتىك ءۇي سالىنۋدا. جۇمىس مامىر ايىندا باستالعان, جاز سوڭىنا اياقتالادى دەپ كۇتىلۋدە. سونداي-اق قور جىمپيتى اۋلىندا 1,3 ملرد تەڭگەگە 42 ءۇيدىڭ قۇرىلىسىن قارجىلاندىرادى.
ءارى قاراي ۆيتسە-پرەمەر تەرەكتى اۋدانى پودستەپنوە اۋلىنداعى مەردىگەرلەردىڭ جۇمىسىن تەكسەردى. مۇندا 2,9 ملرد تەڭگەگە 105 ءۇيدى «Qazaq Stroy» جشس دەمەۋشى كومپانياسى سالىپ جاتىر. قانات بوزىمباەۆ مەردىگەرلەرگە قۇرىلىستى بەلگىلەنگەن مەرزىمنەن كەشىكتىرمەۋ ماڭىزدى ەكەنىن اتاپ ءوتتى. ولار تامىز ايىنىڭ سوڭىنا دەيىن ۇيلەردى تاپسىرامىز دەپ سەندىردى.
ۆيتسە-پرەمەر تۇرعىن ءۇي قورىن قالپىنا كەلتىرۋ قارقىنىن ارتتىرۋ ءۇشىن باتىس قازاقستان وبلىسىنا مسقب ماماندارى مەن ەلىمىزدىڭ باسقا وڭىرلەرىنەن باعالاۋ كومپانيالارى كەلگەنىن حابارلادى. سونداي-اق وڭتۇستىك وبلىستاردان جۇمىس كۇشى مەن تەحنيكا تارتىلادى. وبلىستا كەرەكتى قۇرىلىس ماتەريالدار جەتكىلىكتى مولشەردە.
ورال ماڭىنداعى دەركول كەنتىندە 103 تيپتىك ءۇي پايدالانۋعا بەرىلەدى. قانات بوزىمباەۆ قۇرىلىس الاڭىندا بولىپ, جۇرگىزىلىپ جاتقان جۇمىستاردىڭ ساپاسىن تەكسەردى. تۇرعىن ۇيلەر 2,5 ملرد تەڭگە سوماسىنا «اقجاي̆ىق» قورى ەسەبىنەن سالىنۋدا.
ورالدىڭ ساياجاي تۇرعىندارىنا قالا ورتالىعىنان پاتەرلەر بەرىلە باستادى. ۆيتسە-پرەمەر «ازيمۋت» جاڭا تۇرعىن ءۇي كەشەنىندە باسپانا كىلتىن تاپسىرۋ راسىمىنە قاتىستى. بۇگىندە 15 وتباسى پاتەر يەگەرى اتاندى, ونىڭ 7-ەۋى كوپبالالى وتباسى.
«مەنىڭ ءتورت بالام مەن سەگىز نەمەرەم بار. 2010 جىلدان باستاپ وسى ساياجايدا تۇردىق. كوكتەمدە سۋ تاسقىنى بولدى. بىراق مەملەكەت ءبىزدى تاستامادى. ءبىزدى قولدادى جانە باسپانا بەردى. ارينە, ساياجايدى قالا ورتالىعىنداعى جاڭا پاتەرمەن سالىستىرۋعا كەلمەيدى. مۇندا مەن ەكى بالاممەن جانە نەمەرەلەرىممەن بىرگە تۇرامىن. پرەزيدەنت ەشكىمدى قيىندىققا قالدىرمايتىنىن ايتقان كەزدە, بىزگە ءۇمىت سىيلادى. ءبىز كۇتتىك. كومەكتەسكەن بيزنەسمەندەرگە كوپ راحمەت, شەتتە قالماعان قازاقستاندىقتاردىڭ بارلىعىنا راحمەت», دەدى ورال تۇرعىنى مۇرات ءماسىلوۆ.
وبلىس اكىمى ناريمان تورەعاليەۆتىڭ ايتۋىنشا, اتالعان تۇرعىن ءۇي كەشەنىندەگى 71 پاتەر سۋ تاسقىنى كەزىندە جالعىز باسپاناسىنان ايىرىلعان ساياجاي تۇرعىندارىنا بەرىلمەك. پاتەرلەر «AstanaMotors» جشس دەمەۋشىنىڭ ەسەبىنەن جالپى سوماسى 1,5 ملرد تەڭگەگە ساتىپ الىنۋدا.
باتىس قازاقستان وبلىسىندا بارلىعى 1,8 مىڭعا جۋىق جۇمىسشى تارتىلدى جانە 300-دەن استام تەحنيكا جۇمىلدىرىلدى.
