فوتو. قر مادەنيەت جانە اقپارات مينيسترلىگى
قازاقستاندا 28 ماۋسىم بۇقارالىق اقپارات قۇرالدارى قىزمەتكەرلەرى كۇنى دەپ بەلگىلەنگەن. مەملەكەت باسشىسى قاسىم-جومارت توقاەۆ جۋرناليستەردى كاسىبي مەرەكەمەن قۇتتىقتاعان ەدى.
بۇگىن بۇقارالىق اقپارات قۇرالدارى قىزمەتكەرلەرى كۇنىنە وراي سالتاناتتى ءىس-شارا ءوتتى. جيىنعا مادەنيەت جانە اقپارات ءمينيسترى ايدا بالاەۆا مەن پرەزيدەنتتىڭ كەڭەسشى-ءباسپاسوز حاتشىسى بەرىك ءۋالي قاتىستى.
«باق وكىلدەرى - قوعام مەن بيلىك اراسىنداعى التىن كوپىر. سوندىقتان وسى مەملەكەتتە تۇراتىن ءاربىر ازامات سىزدەردىڭ جۇمىستارىڭىزدى باعالايدى, ويتكەنى سىزدەر ارقىلى قوعامنىڭ كوپتەگەن وزەكتى ماسەلەلەرى ايتىلادى جانە بۇل مەملەكەتتىك ورگانداردىڭ جۇمىسىن جانداندىرىپ, جەتىلدىرۋگە ىقپال ەتەدى», دەپ اتاپ ءوتتى ايدا بالاەۆا.
«قازاقستاننىڭ ەڭبەك سىڭىرگەن قايراتكەرى» قۇرمەتتى اتاعىن جۋرناليستيكا ارداگەرى قۇدايبەرگەن تۇرسىن الدى.
«ەۋرازيا» تەلەارناسىنىڭ باس ءتىلشىسى اباي بالاجان «قۇرمەت» وردەنىمەن ماراپاتتالدى.
سۆەتلانا پەنكوۆا «ەرەن ەڭبەگى ءۇشىن» مەدالىمەن ماراپاتتالدى.
قر پرەزيدەنتىنىڭ العىس حاتى «Informburo.kz» ءتىلشىسى ايگەرىم ۇمماتقا جانە باسقالارعا تابىستالدى.
