فوتو: قحا
قحا-نىڭ «جۇرەكتەن جۇرەككە» ارنايى جوباسى اياسىندا قازاقستان حالقى اسسامبلەياسىنىڭ وكىلدەرى - قر پرەزيدەنتى اكىمشىلىگى قحا حاتشىلىعىنىڭ ينسپەكتورى مۇحتار قۇلجان جانە «قازاقستان حالقى اسسامبلەياسىنىڭ قورى» قوعامدىق قورىنىڭ باسشىسى رافيك ميرزوەۆ زارداپ شەككەندەرگە باسپانا بەرۋ ءۇشىن سۋ تاسقىنى بولعان وڭىرلەرگە ارنايى باردى.
قحا مۇشەلەرى تاراپىنان اقمولا جانە قوستاناي وبلىستارىندا تۇرعىن ۇيىنەن ايىرىلعان وتباسىلارعا ۇيلەر ساتىپ الىندى. اسسامبلەيا وكىلدەرى ەڭ ءبىرىنشى قابيدەنوۆتار وتباسىن قۋانتتى: اقمولا وبلىسى جارقايىڭ اۋدانى دەرجاۆينسك قالاسىنىڭ تۇرعىندارى ەرلى-زايىپتى دارحان مەن كسەنياعا ءۇي بەرىلىپ, كومەك كورسەتىلدى. ولاردىڭ ءۇيى سۋ تاسقىنىنان قيراپ, قالپىنا كەلتىرۋ مۇمكىن بولماعان.
تۇرعىن ءۇي العان كەلەسى تۇرعىن - قوستاناي وبلىسىنىڭ ارقالىق قالاسىنان ايمان كازوۆا. ول - ءتورت بالانى جالعىز ءوزى تاربيەلەپ وتىرعان انا. ارقالىق قالاسىنىڭ ماڭىندا ورنالاسقان ونىڭ ءۇيىن دە قالپىنا كەلتىرۋ مۇمكىن ەمەس. ايماننىڭ قۇقىق بەلگىلەيتىن قۇجاتتارمەن دە ماسەلەلەر بولعان. سوندىقتان باسپانا الۋعا ءۇمىتىن ءۇزىپ ۇلگەرگەن ەدى. اسسامبلەيانىڭ كومەگى وعان جاڭا ءۇمىت سىيلادى.
قوستاناي وبلىسى قاراسۋ اۋدانىنىڭ ۆوستوك اۋىلىنىڭ تۇرعىنى, بەس بالانى تاربيەلەپ وتىرعان اننا كوسولاپوۆا سۋ تاسقىنى سالدارىنان جالعا العان ۇيىنەن ايىرىلعان. ونىڭ دا قۇقىق بەلگىلەيتىن قۇجاتتارىمەن ماسەلەلەر بولعان. وسى ۋاقىتقا دەيىن ءوز ۇيىندە تۇرۋدى ارمانداپ كەلگەن اننا بۇل باقىتتى ساتكە سەنەر سەنبەسىن بىلمەي قۋانىپ جاتىر.
ء«بىز قازاقستان حالقى اسسامبلەياسىنا قيىن كەزەڭدەردە قولداۋ كورسەتكەنى ءۇشىن العىس ايتامىز. راسىندا عاجايىپتىڭ بولاتىنىنا سەنىم كۇشەيدى», دەيدى اننا كوسولاپوۆا.
ەندى كوپ بالالى انا ءوزىنىڭ جاڭا پاتەرىنە كوشىپ, قونىس تويىن تويلايدى.
قحا حالىقتىڭ جانىندا ءجۇرىپ, تابيعي اپاتقا بايلانىستى قيىن جاعدايعا تاپ بولعاندارعا كومەك قولىن سوزىپ وتىر. ۇيلەر مۇقتاج جاندارعا بەرىلىپ جاتىر. كومەك كورسەتىلەتىن وتباسىلار كوپ بالالى, كەيبىرىنىڭ اسىراۋشىسى جوق, بالالارىنىڭ مۇگەدەكتىگى بار, كەيبىرىنىڭ قۇقىقتارىن بەلگىلەيتىن قۇجاتتارمەن ماسەلەلەر تۋىنداعان, جالدامالى پاتەردە تۇراتىنى دا تۇرمايتىنى دا بار.
ايتا كەتەيىك, سۋ تاسقىنىنىڭ العاشقى كۇندەرىنەن باستاپ قحا تابيعي اپاتقا قارسى كۇرەستە كومەگىن اياعان جوق. ايماقتارداعى دوستىق ۇيلەرىندە ەرىكتىلەر ورتالىقتارى مەن گۋمانيتارلىق كومەكتەردى قابىلداۋ پۋنكتتەرى اشىلدى, وندا 12 مىڭنان استام ەرىكتىلەر ەڭ اۋىر جانە قاۋىپتى ۋچاسكەلەردە كومەك كورسەتتى. وڭىرلىك قحا وكىلدەرى زارداپ شەككەن وڭىرلەرگە 1727 توننادان استام ازىق-ت ۇلىك جانە العاشقى كەزدە قاجەت تاۋارلاردى جىبەردى. سونداي-اق 85 جۇك ماشيناسىمەن گۋمانيتارلىق كومەك جونەلتىلدى (ورتاشا جانە اۋىر جۇك فۋرالارى جانە ت.ب.), 60 ارنايى تەحنيكا (ەكسكاۆاتورلار, كامازدار, ساموسۆالدار جانە ت.ب.) تارتىلدى. كورسەتىلگەن گۋمانيتارلىق كومەك سوماسى - 807,4 ملن تەڭگەدەن استام. سونداي-اق, قۇرىلىس ماتەريالدارىمەن دە كومەك كورسەتىلدى.
قحا-نىڭ سۋ تاسقىنىنان زارداپ شەككەن تۇرعىنداردى تۇرعىن ۇيمەن قامتاماسىز ەتۋ باعىتىنداعى جۇمىسى ءالى دە جالعاسىن تابادى.
