پرەزيدەنت باق وكىلدەرىن مەملەكەتتىك ناگرادالارمەن ماراپاتتادى

مەملەكەت باسشىسىنىڭ 2024 جىلعى 25 ماۋسىمداعى №153 وكىمىمەن

قازاقستان رەسپۋبليكاسى پرەزيدەنتىنىڭ باق سالاسىنداعى سىيلىعى:

1. «كازاحستانسكايا پراۆدا» رەسپۋبليكالىق گازەتىنىڭ باس رەداكتورى – ءسابيت عالىم ۇلى مالدىباەۆقا;
2. «Turkistan» حالىقارالىق گازەتىنىڭ باس رەداكتورى – باۋىرجان باباجان ۇلى وتەۋليەۆكە;
3. «ينتەرفاكس-قازاقستان» اقپاراتتىق اگەنتتىگى» جشس باس رەداكتورى – ەلەنا اندرەەۆنا پرەوبراجەنسكاياعا;
4. «Astana aqshamy» رەسپۋبليكالىق قوعامدىق-ساياسي گازەتىنىڭ شەف-رەداكتورى – تولەن ءزارۋباي ۇلى تىلەۋبايعا بەرىلدى;

قازاقستان رەسپۋبليكاسى پرەزيدەنتىنىڭ باق سالاسىنداعى گرانتى:

1. «Qazaqstan» ۇلتتىق تەلەارناسى «اقوردا» باعدارلاماسىنىڭ اۆتورى-پروديۋسەرى – اقەركە باعدابەكقىزى بەكتاسقا;
2. «حابار» اگەنتتىگى» اق ارنايى ءتىلشىسى – دينارا كيىكبايقىزى جانباتىروۆاعا;
3. «Jibek joly» تەلەارناسىنىڭ ءتىلشىسى – ءانۋار ءالي ۇلى كارىبوزوۆقا;
4. «ورال ءوڭىرى» گازەتى باس رەداكتورىنىڭ ورىنباسارى – گۇلسەزىم ەربولاتقىزى بياشەۆاعا تاپسىرىلدى;

قازاقستان رەسپۋبليكاسى پرەزيدەنتىنىڭ باق سالاسىنداعى العىسى:

1. «24KZ» تەلەارناسىنىڭ شىعارماشىلىق ۇجىمىنا;
2. «ليتەر» رەسپۋبليكالىق قوعامدىق-ساياسي گازەتىنىڭ شىعارماشىلىق ۇجىمىنا;
3. «Baqkz» اقپاراتتىق اگەنتتىگىنىڭ شىعارماشىلىق ۇجىمىنا;
4. «اقتوبە» وبلىستىق قوعامدىق-ساياسي گازەتىنىڭ شىعارماشىلىق ۇجىمىنا جاريالاندى.

بۇقارالىق اقپارات قۇرالدارىنىڭ قىزمەتكەرلەرى كۇنىنە وراي اقوردادا وتكەن سالتاناتتى جيىندا ماراپاتتالعان ازاماتتار اراسىنان «Qazaqstan dauiri» گازەتىنىڭ باس رەداكتورى ەرتاي ايعاليەۆ, پاۆلودار وبلىسى «يربيس» تەلەارناسىنىڭ ءتىلشىسى ەلەنا بەلوگرادوۆا جانە «Qazaqstan» ۇلتتىق تەلەارناسى «اقوردا» باعدارلاماسىنىڭ اۆتورى-پروديۋسەرى اقەركە بەكتاس سوز سويلەپ, وي-پىكىرلەرىن ورتاعا سالدى.