فوتو: astanatv.kz
بۇل رەتتە اتالعان مۇراجاي رەسمي تۇردە ءالى اشىلماعانىن ايتا كەتۋ كەرەك. ۇشۋ ينستيتۋتىنىڭ اۋماعىندا وتكەن عاسىردا پايدالانىلعان تىكۇشاق, پەن ازاماتتىق ۇشاقتار قويىلعان. ولار رەتكە كەلتىرىلىپ, بويالعان, بىراق قىسقا ۋاقىت ىشىندە ۇشاقتاردىڭ بورتىندا بوگدە سۋرەتتەر پايدا بولىپ, كەي جەرىنە زاقىم كەلتىرىلگەن. بىراق ۆاندالداردى توقتاتاتىن ەشكىم جوق – ساياباقتا كۇزەتشىلەر دە, بەينەباقىلاۋ كامەرالارى دا جوق.
بۇرىن بۇل ايماق اۋە قورعانىسى كۇشتەرىنە قاراستى اسكەري ينستيتۋتتىڭ قاراماعىندا بولعان. ەكى جىل بۇرىن ساياباق اكىمدىكتىڭ بالانسىنا كوشتى. قالا اكىمدىگى اۋماقتى كوركەيتىپ, اشىق اسپان استىنداعى مۇراجاي قۇرۋدى جوسپارلاعان. ءتيىستى جۇمىستار وتكەن جىلدىڭ سوڭىنا دەيىن اياقتالۋى ءتيىس ەدى. بىراق جاۋاپتى مەردىگەر مىندەتتەمەلەردى ورىنداۋدان جالتاردى. اقىرى ساياباقتىڭ رەسمي اشىلۋ مەرزىمى بەلگىسىز ۋاقىتقا شەگەرىلدى.
«مەردىگەر شارت بويىنشا بەلگىلەنگەن جۇمىستاردى اياقتاعان جوق. اتاپ ايتقاندا, ساياباقتا جارىق جوق, جاياۋ جۇرگىنشىلەر جولى دا سوڭىنا دەيىن سالىنباعان, اۋماقتى كوگالداندىرۋ ءتيىستى دەڭگەيدە جۇرگىزىلمەگەن. ءبىز كومپانياعا جۇمىستاردىڭ ورىندالماۋىنا بايلانىستى سوتقا دەيىنگى نۇسقاما جولدادىق. جاقىن ارادا سوتقا جۇگىنەمىز», دەپ ءتۇسىندىردى اقتوبە قالاسىنىڭ جولاۋشىلار كولىگى جانە اۆتوجولدار ءبولىمىنىڭ مامانى تالعات ناۋرىزوۆ.
