تۇلەكتەرگە – تاماشا تارتۋ
سولتۇستىك قازاقستان وبلىسى جامبىل اۋدانى پرەسنوۆ جالپى ورتا ءبىلىم بەرۋ مەكتەبىنىڭ بيىلعى تۇلەگى اقمارال سارسەنبەكوۆا – «ۇزدىك اتتەستات» يەگەرى. 11 جىل بويى مەكتەپ قابىرعاسىندا ۇزدىك وقىعان ول تاياۋدا ۇلتتىق بىرىڭعاي تەستىلەۋدى ءساتتى تاپسىردى. قالاۋى – فيزيكا ءپانىنىڭ مۇعالىمى اتانۋ. جوعارى ءبىلىمدى استانا قالاسىندا الۋدى ارماندايدى. بۇل ارماننىڭ ورىندالۋىنا «وتباسى بانك» اق پەن جەرگىلىكتى كاسىپكەر ەكپىن ابيەۆ وڭ ىقپال ەتىپ وتىر.
«11 جىلدىق ۋاقىتتىڭ جەمىسى – «ۇزدىك اتتەستات» يەگەرى اتانۋىم. ەرەكشە ۇلگىدەگى قۇجات تابىستالعان سالتاناتتى شارا بارىسىندا ەكپىن ابيەۆ اعامىزدىڭ اتىنان 100 مىڭ تەڭگەلىك سەرتيفيكاتقا دا يە بولدىم. بۇل سوما تولىعىمەن «وتباسى بانكىندە» اشىلعان «AQYL» دەپوزيتىنە اۋدارىلادى. مۇنداي توسىن سىي قۋانىشىمدى ودان ءارى ەسەلەي ءتۇستى. ەندى جوعارى ءبىلىم الۋىمنىڭ نەگىزگى قازىعى بار. «AQYL» دەپوزيتى مەملەكەتتىك گرانت بۇيىرماعان جاعدايدا وقۋ اقىسىن تولەۋىمە كوپ كومەك بولارى ءسوزسىز. ۋنيۆەرسيتەتتە تەگىن وقۋ مۇمكىندىگىن السام, شوتىما ودان ءارى قاراجات جيناپ, ونى ماگيستراتۋرا نەمەسە شەتەلدىك وقۋ ورنىندا ءبىلىم الۋ ءۇشىن پايدالانامىن دەگەن وي بار», دەيدى تۇلەك.
تۇلەكتەردى قولداۋ ماقساتىندا وسىنداي سەرتيفيكاتتار تابىستاۋ ءداستۇرى جىل ساناپ جالعاسىپ كەلە جاتقانى كوڭىل قۋانتادى. بيىل جامبىل اۋدانىنداعى مەكتەپتەردى 164 وقۋشى اياقتاسا, ەكپىن ابيەۆ ونىڭ ىشىندەگى 8 ۇزدىك وقۋشىعا «وتباسى بانكىنىڭ» 100 مىڭ تەڭگەلىك سىيلىق سەرتيفيكاتتارىن سىيلادى. ولاردىڭ قاتارىندا ەكى «التىن بەلگى» جانە التى «ۇزدىك اتتەستات» يەگەرى بار. كاسىپكەر 2018 جىلدان بەرى بارلىعى 63 بالانىڭ اتىنا «وتباسى بانكىندەگى» ارنايى شوتتارىنا 6 ملن تەڭگەدەن استام قارجى قۇيدى.
«قازىرگى جاس ۇرپاق كەڭەستىك كەزەڭدە ءبىر كورگەن قيىندىقتى كورمەسىن دەگەن نيەتپەن باستاپقىدا «وتباسى بانكىندە» تۇرعىن ءۇي جيناق شوتىن اشىپ, بالالاردىڭ اتىنا قارجى اۋدارا باستادىم. بيىل «وتباسى بانك» تاعى ءبىر جاقسى جيناق – «AQYL» دەپوزيتىن قولعا الدى. تۇلەكتەرگە وسىنداي دەپوزيت اشىپ, وعان 100 مىڭ تەڭگە اۋدارۋدى ءجون سانادىم. ولاردىڭ باستى «قارۋى» - ساپالى ءبىلىم. سول ءبىلىمدى الۋدا «AQYL» دەپوزيتىنىڭ اسەرى ءتيىپ جاتسا, قۋانامىن», دەيدى ول.
كاسىپكەردىڭ سەرتيفيكاتتاردى تابىستاۋى اسىپ-تاسىعاننان ەمەس, ۇرپاقتىڭ قامىن ويلاعاننان بولۋى كەرەك.
«بىرىنشىدەن, بۇل ءىستىڭ تاربيەلىك ءمانى بار دەپ ەسەپتەيمىن. ۇزدىك وقۋشىلارعا مۇنداي سەرتيفيكاتتاردىڭ بەرىلىپ جاتقانىن كورگەن وزگە وقۋشىلار ولارعا قاراپ بوي تۇزەپ, وزات بولۋعا تالپىنادى. ەكىنشىدەن, مەكتەپ بىتىرگەن شاكىرتتەرگە از دا بولسىن كومەك. ۇشىنشىدەن, سول ارقىلى باسقا كاسىپكەرلەرگە قولدان كەلگەنشە جاستارعا كومەك كورسەتەيىك دەگەن وي تاستاۋ. ەل اعالارى جۇمىلىپ, بالالارعا تىرەك بولساق, نۇر ۇستىنە نۇر ەمەس پە؟! ونى ورىنداۋدا «وتباسى بانك» كوپ كومەك كورسەتىپ وتىر. «AQYL» دەپوزيتى اياسىندا بانكتەن 12% (جتسم 12,9%-دان 13,1%-عا دەيىن), جىل سوڭىندا مەملەكەت تاراپىنان تاعى 5% قوسىلادى. وسىنداي مۇمكىندىك اتا-انالاردى از-ازدان اقشا جيناۋعا يتەرمەلەيدى», - دەيدى مەتسەنات.
شوت اشۋ جاس تالعامايدى
وسى ورايدا تالاي تۇلەكتىڭ جوعارى ءبىلىمدى ەش الاڭسىز الۋىنا جاعداي جاساپ وتىرعان «AQYL» دەپوزيتى تۋرالى اتاپ وتكەن ءجون. بۇعان دەيىن ازاماتتاردىڭ باسپانالى بولۋى ءۇشىن قىزمەت كورسەتىپ كەلگەن «وتباسى بانك» بيىلدان باستاپ بالالاردىڭ ءبىلىم الۋىنا دا كومەكتەسۋدى قولعا الدى.
مۇنداي شوت اشۋ جاس تالعامايدى. ونىڭ ايعاعى – اقتاۋلىق نارەستە. بىرنەشە اپتالىق نارەستەنىڭ قازىردىڭ وزىندە «AQYL» دەپوزيتى بار. جيناق شوتتىڭ ەڭ كىشكەنتاي يەسى مەكتەپ تامامداعان كەزدە ونىڭ ەسەبىندە قوماقتى سوما جينالارى ءسوزسىز. تاياۋدا عانا «وتباسى بانك» ارقىلى پاتەر العان جاس وتباسى وسىلايشا ءسابيىنىڭ كەلەشەگىن دە ويلاستىرىپ وتىر.
ال جاڭاوزەن قالاسىنىڭ 60 جاستاعى تۇرعىنى ءۇش جاسار نەمەرەسىنىڭ قامىن جاساۋعا كىرىستى. «AQYL» دەپوزيتىنىڭ ەڭ ۇلكەن جاستاعى سالىمشىسى ءۇيدىڭ كەنجەسى وسكەن كەزدە شوتتاعى قارجى ونىڭ جاقسى ءبىلىم الۋىنا كومەكتەسەدى دەگەن سەنىمدە.
بىلىمگە باعىتتالعان جيناقتاۋ جۇيەسى كوپبالالى وتباسىلاردىڭ تاراپىنان دا سۇرانىسقا يە بولىپ جاتىر. ماسەلەن, تاياۋدا تارازدىق ەرلى-زايىپتىلار رەكورد ورناتتى. ءۇش قىز جانە بەس ۇل تاربيەلەپ وتىرعان وتباسى ولاردىڭ ارقايسىسىنا ءبىلىم دەپوزيتىن اشتى.
جىل باسىنان بەرى اشىلعان دەپوزيتتەردى تالداساق, بالالارىنىڭ قامىن الماتى, شىمكەنت قالالارى جانە ماڭعىستاۋ وبلىسىنىڭ اتا-انالارى كوبىرەك ويلايتىن سىڭايلى. ولاي دەيتىنىمىز, ءدال وسى وڭىرلەردە دەپوزيتتەر ءجيى اشىلادى.
«وتباسى بانك» اق باسقارما ءتورايىمى ءلاززات يبراگيموۆانىڭ ايتۋىنشا, بۇگىنگى تاڭدا «AQYL» دەپوزيتىندەگى ەڭ كوپ سوما 2,4 ملن تەڭگەنى قۇرايدى.
«ەندى ءبىز وتانداستارىمىزعا تۇرعىن ۇيگە عانا ەمەس, ءبىلىم الۋعا قاراجات ۇنەمدەۋگە كومەكتەسەمىز. مامىر-ماۋسىم ايلارىندا بۇل جاڭا ونىمگە دەگەن سۇرانىس ارتتى. ءتورت ايدىڭ ىشىندە 17 مىڭ, ياعني كۇن سايىن 150-گە جۋىق دەپوزيت اشىلادى. دەمەك, اتا-انالار بالالارىنىڭ بولاشاعىنا سانالى تۇردە قارايدى», دەيدى ءلاززات يبراگيموۆا.
«AQYL» ارتىقشىلىقتارى
ءبىلىم بەرۋ دەپوزيتى باسقالارعا قاراعاندا الدەقايدا ۇتىمدى. «AQYL» دەپوزيتىن 3 نەمەسە 5 جىلعا اشۋعا بولادى. دەپوزيت كەمىندە ءۇش جىلعا اشىلسا, جىلدىق پايىزدىق مولشەرلەمە 12%-عا (جتسم 12,9%-دان 13,1%-عا دەيىن), بەس جىلدىق دەپوزيت مولشەرلەمەسى 9,5% (جتسم 9,5%-دان 10,1%-عا دەيىن) تەڭ بولادى. وعان قوسا, مەملەكەت تاراپىنان قوسىمشا سىياقى بەرىلەدى. جەتىم, اتا-اناسىنىڭ قامقورلىعىنسىز قالعان, مۇمكىندىگى شەكتەۋلى بالالارعا, كوپبالالى جانە تابىسى تومەن وتباسىلار بالالارىنا اشىلعان دەپوزيتتەرگە جوعارىدا اتالعان مولشەرلەمەدەن بولەك مەملەكەت تاراپىنان 7%, سالىمشىلاردىڭ بارلىق ساناتىنا 5% سىياقى ەسەپتەلەدى. وسىلايشا, بانك قوسقان سىياقى اي سايىن كاپيتالداندىرىلادى. بۇل بانك پايىزى دەپوزيت سوماسىنا قوسىلاتىندىعىن جانە كەلەسى ايدا وسى اقشاعا جاڭادان سىياقى ەسەپتەلەتىنىن بىلدىرەدى.
دەپوزيتتىڭ مەرزىمىن, پايىزدىق مولشەرلەمەسى مەن كاپيتالداندىرىلۋىن ەسكەرەر بولساق, مۇنىڭ بارلىعى جيىنتىق تۇردە قاراجاتتى ءتيىمدى تۇردە ەسەلەي تۇسەدى. وعان مىنا مىسال دالەل: ءۇش جىل بويى اي سايىن 20 مىڭ تەڭگەدەن سالساڭىز, ءوز سالىمدارىڭىزدى ەسەپتەمەگەندە «AQYL» دەپوزيتىندەگى جيناقتار شامامەن 250 مىڭ تەڭگەنى قۇرايدى. ەگەر 10 جىل بويى اي سايىن 20 مىڭ تەڭگەدەن سالساڭىز, ءوز سالىمدارىڭىزدى ەسەپتەمەگەندە دەپوزيتتەگى قاراجات شامامەن 4 ملن تەڭگەگە جەتەدى. كەيىن بۇل قاراجاتپەن وتاندىق نەمەسە شەتەلدىك ۋنيۆەرسيتەتتە وقۋ اقىسىن تولەۋگە بولادى.
مۇنداي سومانى جيناۋ ءۇشىن قايتپەك كەرەك؟ ول ءۇشىن باسپانا ماركەت پورتالىنداعى (otbasybank.kz) وڭ جاق بۇرىشىندا ورنالاسقان جەكە كابينەتتە, بانك بولىمشەلەرىندە, بانكتىڭ كەڭەس بەرۋشىلەرى كومەگىمەن, بانك سايتىندا بەينەقوڭىراۋ قىزمەتىنە تاپسىرىس بەرۋ نەمەسە «Otbasy bank lite» ءموبيلدى قوسىمشاسى ارقىلى شوت اشساڭىز جەتكىلىكتى. بايقاعاندارىڭىزداي, بانك شوت اشۋدىڭ سان الۋان ءتۇرىن ۇسىنادى. اشقان كەزدە مىندەتتى تۇردە باستاپقى جارنا سالۋ كەرەك. ول 3 ايلىق ەسەپتىك كورسەتكىشكە, ياعني 11 076 تەڭگەگە تەڭ. ال ودان كەيىن شوتتى قاي ۋاقىتتا, قانداي سوماعا تولتىرۋ قاجەت ەكەنىن سالىمشىنىڭ ءوزى بەلگىلەيدى. اتاپ وتەر جايت, «وتباسى بانكىندە» اشىلعان «AQYL» دەپوزيتىن ۇلتتىق قوردان العان جيناقتارمەن تولتىرۋعا بولادى. بيىل 18 جاسقا تولعان بالالار ونى enpf-otbasy.kz پلاتفورماسى ارقىلى اۋدارا الادى.
مۇندايدا كەيبىر اتا-انالاردىڭ كوكەيىندە «بالام گرانتقا وقۋعا تۇسسە جىلدار بويى جيناعان اقشام «جانىپ» كەتپەي مە؟» دەگەن زاڭدى ساۋال تۋىنداۋى مۇمكىن. الايدا الاڭداۋدىڭ ەش قاجەتى جوق. بالاڭىزدىڭ جولى بولىپ, قالاعان ماماندىعى بويىنشا جوعارى ءبىلىمدى تەگىن الاتىن مۇمكىندىگى تۋسا, جيناقتاۋ دەپوزيتىن جاۋىپ, مەملەكەتتىك سىياقىمەن بىرگە جيناق اقشانىڭ بۇكىل سوماسىن الۋعا بولادى. سونداي-اق, شوتتى باسقا بالاعا قايتا رەسىمدەۋگە نەمەسە ماگيستراتۋراعا ءتۇسۋ ماقساتىندا جيناقتاۋدى جالعاستىرۋعا بولادى. دەمەك, وزگە دە ءتيىمدى جولدارى بار.
سول سياقتى «AQYL» دەپوزيتى مەملەكەت پەن ءۇشىنشى تۇلعالاردىڭ ءوندىرىپ الۋلارىنان قورعالعان, ياعني بۇل شوتتى بۇعاتتاۋ نەمەسە ودان قاراجات الۋ مۇمكىن ەمەس. وعان قوسا, قازاقستاندىق دەپوزيتتەرگە كەپىلدىك بەرۋ قورىندا ساقتاندىرىلعان. وسىنداي باسىم تۇستاردى ەسكەرە وتىرىپ, اتا-انالار قازىردەن باستاپ-اق بالالارىنىڭ بولاشاعى ءۇشىن تىرنەكتەپ قارجى جيناي بەرسە, ارتىق بولماس. ول ءۇشىن اتالعان دەپوزيت وتە وڭتايلى جاعداي جاساپ وتىر.
