فوتو: Zakon.kz
انىقتالعانداي, Lada ماركالى اۆتوكولىك ۇلكەن الماتى كانالىنىڭ جولىمەن باتىس باعىتتا بەت العان. الايدا كولىك جولدان شىعىپ, كيۋۆەتكە كەتكەن, ارتىنشا اعاشقا سوعىلعان. ناتيجەسىندە كولىك تولىعىمەن جانىپ كەتكەن. الدىن الا مالىمەت بويىنشا, قاتتى سوققىنىڭ اسەرىنەن كولىكتىڭ قوزعالتقىشى زاقىمدانعان.
وقيعا كۋاگەرلەرى زارداپ شەككەندەردى كولىكتەن شىعارىپ, العاشقى كومەك كورسەتكەن. بىراق ءبىر جولاۋشىنى شىعارىپ الۋ مۇمكىن بولماعان.
جول اپاتى سالدارىنان 2002 جانە 2003 جىلى تۋعان ءتورت جىگىت وقيعا ورنىندا جان تاپسىردى. بەسىنشىسى جولاۋشى وبلىستىق اۋرۋحاناعا جاتقىزىلدى. دارىگەرلەردىڭ ايتۋىنشا, زارداپ شەككەننىڭ جاعدايى وتە اۋىر.
قازىر قايعىلى وقيعا بولعان جەردە جول پوليتسياسىنىڭ قىزمەتكەرلەرى, انىقتاۋشى مەن كريميناليست جۇمىس ىستەپ ءجۇر.
