ءتالىمى مول ەكسپەديتسيا

اقتاۋداعى نازارباەۆ زيات­كەرلىك مەكتەبى ءباسپاسوز قىز­مەتى­نىڭ حابارلاۋىنشا, جوبا اياسىن­دا ەكسپەديتسيالىق توپ ماڭ­عىس­تاۋ ولكەسىنە ءتان فلورا مەن فاۋنا ەرەكشەلىگىمەن, تاري­حى جانە تۇرمىس-مادە­نيەتى­مەن, ين­نوۆاتسيالىق نىساندارى جانە ارحيتەكتۋرالىق قۇرى­لىستا­رى­مەن ءجىتى تانىستى.

وقۋشىلار الدىمەن قابي­بوللا سىديىقوۆ اتىنداعى ماڭ­عىستاۋ وبلىستىق كىتاپحانانى ارالاپ, كىتاپحانا قۇرىلىسىمەن, ولكەتانۋ بولىمىندەگى كىتاپتار جايىندا اقپارات الدى, زاڭعار جازۋشى ءابىش كەكىلباي ۇلى اتىن­داعى ماڭعىستاۋ وبلىستىق تاريحي-ولكەتانۋ مۇراجايىن تاماشالادى. ءبىر اپتاعا سوزىلعان ەكسپەديتسيا اياسىندا وقۋشىلار ماڭعىستاۋ وبلىسىنىڭ وندىرىستىك الەۋەتىمەن ەتە تانىسۋ, اقپارات الۋ ءۇشىن اقتاۋداعى ونەركاسىپ ورىندارىنا – «KazFruit» ازىق-ت ۇلىك ساقتاۋ بازاسىنا, «اقتاۋ تۇيەقۇس» فابريكاسى, «Kazakh Osseter» كومپانياسىنا ساياحات­تادى. سو­نىمەن قاتار جاس زەرت­تەۋشىلەر قازاقستانداعى كەشەندى ونەركاسىپ ورىندارىنىڭ ءبىرى, اممياك جانە اممياك سەليتراسىن وندىرەتىن جال­عىز كاسىپورىن «قازازوتتىڭ» جانە جول بيتۋمىن وندىرۋگە باعىتتالعان «Caspi bitum» مۇناي وڭدەۋ زاۋىتى­نىڭ جۇمىسىمەن تانىستى. سونداي-اق وڭىردەگى ىرگەلى وقۋ ورداسى شاحماردان ەسەنوۆ اتىنداعى كمتيۋ اسكەري-تەڭىز اكادە­ميا­سىمەن تانىسىپ, سوڭ­عى تەحنو­لوگيامەن جابدىقتالعان وقۋ ورنىنا قىزىعۋشىلىق تا­نىت­تى. وقۋشىلار ماڭعىستاۋداعى ء­حىى-ءحVىى عاسىرلارعا جاتاتىن ءدىني ساۋلەت ەسكەرتكىشى سانالاتىن قارا­مان اتا جەر استى مەشىتىنە با­رىپ, ءدىني زيارات ورنىندا اتا-بابا رۋحىنا تاعزىم ەتتى. قۇپيا­سى ءالى اشىل­ماعان ورىندار­دىڭ ءبىرى «تورىش» شاتقالىنا با­رىپ, تاريحى ميلليون جىلدان اساتىن شات­قال­دى, تابيعاتتىڭ ەرەكشە ۇلگى­سى – «اقەسپە» القا­بىن تاماشالادى.

قازاق دالاسىنىڭ كورىكتى كەل­بەتىن ءوز كوزدەرىمەن كورىپ, ەل مەن جەر تانۋ, وتانسۇيگىشتىك سەزى­مىن شىڭداۋ جولىندا وقۋشىلار ءۇشىن ارنايى ەكسپەديتسيا ۇيىم­داس­تىرعان زياتكەرلىك مەكتەپتەر جوباسىنىڭ جاس بۋىن ءۇشىن بەرەرى مول بولماق.

ماڭعىستاۋ وبلىسى