فوتو:aikyn.kz
«بۇگىندە ءبىز مانساپ ورتالىقتارىندا رەسمي تىركەلگەن جۇمىسسىز ازاماتتارعا عانا الەۋمەتتىك قولداۋ كورسەتسەك, «Jumys Tap» جوباسى اياسىندا ءبىز جۇمىسقا ورنالاسۋ جاعدايىنا, جاسىنا جانە تىركەۋىنە قاراماستان وقىتىپ, جۇمىسقا ورنالاسۋعا كومەكتەسە الامىز», دەدى قاراعاندى وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسى اسەم جۇنىسپەكوۆا.
قازىرگى تاڭدا وتىنىمدەردى قابىلداۋ ءجۇرىپ جاتىر. وقۋ كۋرستارى 1 تامىزدا بەس كوللەدجدىڭ بازالىق نەگىزىندە باستالادى. ۇيىمداستىرۋشىلاردىڭ مالىمەتتەرىنە سۇيەنسەك, 48 كاسىپتى تاڭداۋعا بولادى: تىگىنشى, شاشتاراز, شينومونتاجشى, ەلەكتر گازبەن دانەكەرلەۋشى, سايت ازىرلەۋشى, بەينەمونتاجەر, موبيلوگراف جانە تاعى باسقالارى. وقىتۋ باعدارلاماسى بيزنەسپەن بىرگە ەڭبەك نارىعىنىڭ ستاندارتتارى مەن تالاپتارى بويىنشا ازىرلەنگەن.
ايتا كەتەرلىگى, مۇندا تاجىريبەگە باسا نازار اۋدارىلادى. وقىتۋ قورىتىندىسى بويىنشا جوباعا قاتىسۋشىلار مەملەكەتتىك ۇلگىدەگى سەرتيفيكات الادى.
