فوتو:اتامكەن ۇقپ ءباسپاسوز قىزمەتى
ماراپاتتاۋ ءراسىمىن بەلارۋس رەسپۋبليكاسىنىڭ ستاندارتتاۋ جونىندەگى مەملەكەتتىك كوميتەتى مەن ستاندارتتار بيۋروسى ۇيىمداستىردى.
«تمد سىيلىعى جوعارى ساپالى جانە باسەكەگە قابىلەتتى ءونىم ءوندىرۋدى ىنتالاندىرۋعا, تاۋار وندىرۋشىلەردىڭ ەكسپورتتىق مۇمكىندىكتەرىن ارتتىرۋعا, تمد-نىڭ ساپالى ءونىم وندىرىلەتىن اۋماق رەتىندەگى بەدەلىن ارتتىرۋعا باعىتتالعان», دەدى تمد باس حاتشىسىنىڭ ءبىرىنشى ورىنباسارى.
ماراپاتتاۋ راسىمىنە ارمەنيا, بەلارۋس, قازاقستان, قىرعىزستان, رەسەي جانە تاجىكستاننان كەلگەن كونكۋرستىڭ لاۋرەات-كاسىپورىندارى مەن ديپلومانت-كاسىپورىندارىنىڭ وكىلدەرى قاتىستى. سونىمەن قاتار ازەربايجان, بەلارۋس, قازاقستان, قىرعىزستان, رەسەي, تاجىكستان جانە وزبەكستاننىڭ ستاندارتتاۋ, مەترولوگيا, سايكەستىكتى باعالاۋ جانە اككرەديتتەۋ جونىندەگى ۇلتتىق ورگان وكىلدەرى, ەەك پەن روكو تەحنيكالىق رەتتەۋ كوميتەتىنىڭ وكىلدەرى جانە ستاندارتتار بيۋروسىنىڭ قىزمەتكەرلەرى بولدى.
بەلارۋس پرەمەر-ءمينيسترىنىڭ ورىنباسارى پەتر پارحومچيك پەن تمد باس حاتشىسىنىڭ ءبىرىنشى ورىنباسارى لەونيد انفيموۆ ۇسىنىلاتىن ونىمدەر مەن قىزمەتتەردىڭ ساپاسى مەن باسەكەگە قابىلەتتىلىگى, يننوۆاتسيالىق تەحنولوگيالار مەن باسقارۋدىڭ زاماناۋي ادىستەرىن ەنگىزۋ سالاسىنداعى ەلەۋلى ناتيجەلەرگە قول جەتكىزگەنى ءۇشىن لايىقتى ماراپاتتاردى تابىستادى.
قازاقستان, ارمەنيا, بەلارۋس, تاجىكستان جانە رەسەيدەن كەلگەن 11 كاسىپورىن كونكۋرس جەڭىمپازدارى اتاندى. سونداي-اق قازاقستان, بەلارۋس, قىرعىزستان, تاجىكستان جانە رەسەيدەن كەلگەن 11 كاسىپورىن ديپلومانت اتاندى.
تمد سىيلىعىنىڭ قازاقستاندىق لاۋرەاتتارى:
- «250-دەن 1500 ادامعا دەيىن جۇمىس كۇشى بار ونەركاسىپ ونىمدەرىن ءوندىرۋ» نوميناتسياسى بويىنشا «Maker (مەيكەر)» جاۋاپكەرشىلىگى شەكتەۋلى سەرىكتەستىگى;
- «قىزمەتكەرلەرىنىڭ سانى 250-گە دەيىن بولاتىن حالىق تۇتىناتىن تاۋارلاردى ءوندىرۋ» نوميناتسياسى بويىنشا «پو گلوبال-سپەتستسودەجدا» جاۋاپكەرشىلىگى شەكتەۋلى سەرىكتەستىگى.
ساپا ديپلومى كەلەسىلەرگە بەرىلدى:
- «قىزمەتكەرلەرىنىڭ سانى 250-گە دەيىن بولاتىن ونەركاسىپ ونىمدەرىن ءوندىرۋ» نوميناتسياسى بويىنشا «ستوليچنايا ستەكلوپاكەتنايا كومپانيا» جاۋاپكەرشىلىگى شەكتەۋلى سەرىكتەستىگى;
- «250-دەن 1500 ادامعا دەيىن جۇمىس كۇشى بار حالىق تۇتىناتىن تاۋارلاردى ءوندىرۋ» نوميناتسياسى بويىنشا «Dolce» جاۋاپكەرشىلىگى شەكتەۋلى سەرىكتەستىگى.
ايتا كەتەرلىگى, ساپا يدەولوگياسىن ناسيحاتتاۋدا قازاقستان پرەزيدەنتىنىڭ «التىن ساپا» سىيلىعى ەرەكشە ءرول اتقارادى. 2009 جىلى ول ەۋروپالىق ساپا سىيلىعىنىڭ ۇلگىسىمەن ۇيلەستىرىلدى.
جۇلدەگە قازاقستاننىڭ اۋماعىندا تاۋار وندىرۋمەن جانە قىزمەت كورسەتۋمەن اينالىساتىن جەكە كاسىپكەرلەر مەن زاڭدى تۇلعالار ءوتىنىش بەرە الادى.
قازاقستان پرەزيدەنتىنىڭ سىيلىعى ءتورت نوميناتسيا جانە ەكى ارنايى سىيلىق بويىنشا بەرىلەدى:
- «وندىستىك ماقساتتاعى ۇزدىك كاسىپورىن»;
- «حالىق تۇتىناتىن تاۋارلار شىعاراتىن ۇزدىك كاسىپورىن»;
- «قىزمەت كورسەتەتىن ۇزدىك كاسىپورىن»;
- «ازىق-ت ۇلىك جانە/نەمەسە اۋىل شارۋاشىلىعى ونىمدەرىن وندىرەتىن ۇزدىك كاسىپورىن»;
- «ۇزدىك يندۋستريالىق جوبا»;
- «ۇزدىك يننوۆاتسيالىق جوبا».
«التىن ساپا» بايقاۋىندا جالپى 122 وتاندىق كومپانيا ماراپاتتالدى.
بۇگىندە ساپا – تمد ەلدەرىنىڭ ەكونوميكالىق ساياساتىندا ماڭىزدى باسىمدىققا يە. قىزمەتتىڭ بارلىق كەزەڭىندە ساپاعا ءمان بەرگەن كومپانيالار عانا تابىستى بولا الادى. ساپا سالاسىنداعى باسەكەلەستىك ەكونوميكانىڭ بارلىق سەگمەنتىن ەكولوگيالىق تازا, قاۋىپسىز ءارى رەسۋرستاردى ۇنەمدەيتىن ونىمدەر شىعارۋ مەن قىزمەتتەردى كورسەتۋگە باعىتتالعان.
