«بۇل بۇعان دەيىنگى قۇندىلىقتار مەن سەنىمنىڭ ماڭىزىن جويمايدى. كەرىسىنشە ولاردىڭ مازمۇنى زامانمەن رۋحتاس بولۋعا ءتيىس دەگەن ءسوز. «پارتيانىڭ رەبرەندينگىن ءدال سول سەبەپتى جۇرگىزىپ جاتىرمىز. جىلدار بويى قالىپتاسقان جاقسى داستۇرلەردى ساقتايمىز. ءسويتىپ, پارتياعا بۇگىنگى سىن-تالاپتارعا جاۋاپ بەرەتىن جاڭا كەلبەت بەرەمىز. وتكەندى دارىپتەي وتىرىپ, يدەالداردىڭ جالاۋىن جىقپايمىز», دەدى س.ەگىزباەۆ.
سەزد وتكەن زەرەندى مادەنيەت سارايىندا اۋىل ادامدارى مەن بالالار بەينەلەگەن كارتينالاردىڭ كورمەسى ۇيىمداستىرىلدى. جۇزگە جۋىق تۋىندىنىڭ اربىرىندە اۋىل جانە ونداعى تىرشىلىكتىڭ ءبىر ءساتى كەرەمەت كورىنىس تاۋىپ تۇر. بۇل – اۋىلداردا سالىنعان مىڭداعان كارتينانىڭ ارنايى بايقاۋلاردا جۇلدەلى ورىن الىپ, سەزگە ارنايى ىرىكتەلىپ اكەلىنگەن ۇزدىكتەرى.
«اۋىل» پارتياسىنىڭ ماجىلىستەگى دەپۋتاتتىق فراكتسياسى پارتيانىڭ سايلاۋالدى باعدارلاماسىن ىسكە اسىرۋ ماقساتىندا وڭىرلەردى ارالاپ, حالىق پىكىرىنە قۇلاق تۇرگەن. ناتيجەسىندە, «اگرارلىق بانك تۋرالى» جانە «ازىق-ت ۇلىك قاۋىپسىزدىگى تۋرالى» ەكى زاڭ جوباسىن ازىرلەگەن. ەكەۋىن دە قوس پالاتاداعى 60 پايىزدان اسا دەپۋتات قولداعان. پارتيا توراعاسى بۇل باعىتتاعى جۇمىستار قۇزىرلى مەملەكەتتىك ورگاندارمەن جالعاسىن تاباتىنىن ايتتى.
پرەمەر-ءمينيستردىڭ كەڭەسشىسى ەرالى توعجانوۆ «سۋ تاسقىنى سالدارىن جويۋدا سىزدەردەي جارقىراپ العا شىققان, جاستار قۇرىلىس جاساعىن ءتۇزىپ, ساپقا تۇرعىزعان ەشكىم بولمادى» دەپ اتاپ ءوتتى.
«پارتيانىڭ ساياسي باعدارلاماسىن «گۇلدەنسە اۋىل – گۇلدەنەدى ەلىمىز» دەپ اتادىق. حالىقتىڭ مادەني ءداستۇرى مەن رۋحاني قۇندىلىقتارىنا نەگىزدەلگەن, گۇلدەنگەن اۋىلدارى مەن قالالارى بار اگرارلىق, ساياسي تۇراقتى, ەكونوميكالىق كۇشتى, الەۋمەتتىك ادىلەتتى, دەموكراتيالىق, زايىرلى, قۇقىقتىق مەملەكەت قۇرۋدى ماقسات رەتىندە ايقىندادىق», دەيدى پارتيا باسشىسى.
راسىندا, بۇگىندە اۋىل شارۋاشىلىعى ونىمدەرىن ءوندىرۋدىڭ ماڭىزى ۇشاق پەن كومپيۋتەر جاساپ شىعارۋدان ارتىق بولماسا, كەم ەمەس. پاندەميا مەن گەوساياسي وقيعالاردىڭ قاسىرەتتى ساباعى ازىق-ت ۇلىك قاۋىپسىزدىگى كەز كەلگەن مەملەكەتتىڭ ۇلتتىق قاۋىپسىزدىگىنىڭ نەگىزگى ەلەمەنتىنە اينالاتىنىن كورسەتتى. تابىستىڭ تومەن دەڭگەيى اۋىل تۇرعىندارىن قالاعا كوشۋگە ءماجبۇر ەتەدى. جالپى, اگرارلىق وندىرىستە كىرىستىڭ تومەن بولۋى, وتاندىق اۋىل شارۋاشىلىعىنىڭ باستى پروبلەماسىنا اينالعان. بۇل ورايدا پارتيا مەملەكەتتىك قولداۋمەن اۋىلدىق كووپەراتيۆتەردى دامىتۋ قاجەت دەگەن ۇستانىمدا.
«اۋىل» پارتياسى ەسەپتى كەزەڭدە جاقىن جانە الىس شەتەلدەردىڭ ساياسي پارتيالارىمەن, قوعامدىق حالىقارالىق جانە وتاندىق بىرلەستىكتەرمەن ىنتىماقتاستىقتى جانداندىرعان. بيىلدىڭ وزىندە 30-دان استام كەزدەسۋ وتكىزىپتى. وندا قىزمەتتىڭ ءتۇرلى باعىتى بويىنشا ءوزارا ءىس-قيمىل ماسەلەلەرى قارالدى. قازىر ازيا مەن ەۋروپانىڭ اگرارلىق باعىتتاعى 13 ساياسي پارتياسىمەن, ونىڭ ىشىندە ەۋروپا پارلامەنتىندە, چەحيا, پولشا, ليتۆا, بەلارۋس, قىرعىزستان, وزبەكستان پارلامەنتتەرىندە ءوز فراكتسياسى بار پارتيالارمەن قارىم-قاتىناس ورناتۋ ءجۇرىپ جاتىر.
«بىرىككەن ۇلتتار ۇيىمىنىڭ ازىق-ت ۇلىك جانە اۋىل شارۋاشىلىعى ۇيىمىمەن» (فاو), «اۋىل اكىمدەرىن وقىتۋ ماسەلەلەرى بويىنشا كونراد ادەناۋەر قورىمەن», «قازاقستان –گەرمان اگرارلىق-ساياسي ديالوگى» ۇيىمدارىمەن ىنتىماقتاستىق تۋرالى كەلىسىمدەر جاساماقشى. «تۇركيا تۇلەكتەرى قاۋىمداستىعىمەن» «تۇركيا بۋرسلارى باعدارلاماسى», «بەرلين ەۋرازيالىق كلۋبى», «پوتسدام كليماتتىق وزگەرىستەردى زەرتتەۋ ينستيتۋتى», تاعى باسقا حالىقارالىق ۇيىمدارمەن كاسىپتىك باعدار بەرۋ جۇمىستارىن جۇرگىزۋدى جوسپارلاپتى.
جاستاردى پاتريوتيزم, بىرلىك جانە تۋعان جەرگە دەگەن سۇيىسپەنشىلىك رۋحىندا تاربيەلەۋ اياسىندا قازاقستان حالقى اسسامبلەياسىمەن, ۇلتتىق ۆولونتەرلەر جەلىسىمەن بىرقاتار مەموراندۋمعا قول قويعان. سونداي-اق ۇلتتىق اگرارلىق عىلىم اكادەمياسىمەن جانە اگروكوللەدجدەر قاۋىمداستىعىمەن مەموراندۋمدا اگروونەركاسىپ كەشەنىن عىلىمي جانە كادرلىق قامتاماسىز ەتۋ ماسەلەسىن تالقىلاعان.
ۋاقىت تالابىنا ساي جاڭعىرعان پارتياعا تولىق رەبرەندينگ جاسالدى, پارتيا اتاۋى مەن لوگوتيپىنە كيىز ءۇي تاڭدالعان.
ساياسي ءىس-شارادا اۋىل مەن ونداعى تۇرمىس-تىرشىلىككە قاتىستى كوپتەگەن ماسەلە كوتەرىلىپ, ونى شەشۋ جولدارى قاراستىرىلدى.
