فوتو. قاراعاندى وبلىسىنىڭ اكىمدىگى
تەمىر قانجار مەن راسىمدەرگە ارنالعان ىدىس – ارحەولوگتاردىڭ تاعى ءبىر ولجاسى.
بايقاسقا قورىمىندا ءۇش قورعان زەرتتەلدى. تاريحشىلار بۇل قورعاندار بەلگىلى ءبىر ەرەجەمەن سالىنعانىن انىقتادى. بۇل بىرنەشە مىڭ جىل بويى قورعانداردىڭ ءپىشىنىن ساقتاۋعا مۇمكىندىك بەرەتىن بەلگىلى ءبىر قۇرىلىس ادىستەرى. تەمىر قانجار دا ءدال وسى جەردەن تابىلدى.
«تەمىردەن جاسالعان زات توپىراقتا قالىپ قويسا, ناشار ساقتالادى. بۇل جەردە جاعداي وڭتايلى بولعان سياقتى. بۇل قانجار – سكيف-ساق ترياداسىنا كىرەتىن پىشاق قارۋى. ءبىزدىڭ داۋىرىمىزگە دەيىنگى III–II عاسىرلارداعى قانجار ساق داۋىرىنەن عۇن-سارمات كەزەڭىنە ءوتۋ ۋاقىتىنا جاتادى. اكيناكتىڭ ىڭعايلى تۇتقاسى, ءتۇزۋ كرەست, قيسىق شىڭى جانە قان اعىزاتىن ويىعى بار», دەدى «ارحەولوگيالىق زەرتتەۋلەر» جشس ديرەكتورى ەرلان ءامىروۆ.
قورعانداردى زەرتتەۋ ارقىلى عالىمدار ەجەلگى جەرلەۋ راسىمدەرىن قاداعالاي الادى. ەرلان ءامىروۆتىڭ ايتۋىنشا, تابىلعان زاتتار الەۋمەتتىك ستراتيفيكاتسيانى دا كورسەتەدى. شاعىن, ورتا جانە ۇلكەن قورعاندار تابىلدى. ولاردىڭ بيىكتىگى قايتىس بولعان ادامنىڭ ماتەريالدىق بايلىعىن نەمەسە الەۋمەتتىك مارتەبەسىن بىلدىرەدى دەپ بولجانىپ وتىر.
ودان بولەك, سالتتىق ماقساتتارعا قاجەتتى كەراميكالىق ىدىس تابىلدى.
قازىر ارحەولوگتار اقكەزەن قورىمىندا جالعاسقان قورىمدى زەرتتەپ جاتىر. بۇل قۇرىلىم باس قورعاننان جانە شىعىسقا قاراي ەكى دوعالى تاستان جاسالعان ەكى سەرىكتەس قورعاننان تۇرادى.
