فوتو:egemen.kz
ۇكىمەت باسشىسى قازىرگى ۋاقىتتا كوپتەگەن ءبىزدىڭ ازاماتتاردىڭ شەتەلدە جۇمىس ىستەپ جاتقاندىعىن جانە جۇمىس بابىمەن بارعىسى كەلەتىندەردىڭ كوپ ەكەنىن اتاپ ءوتتى. بۇل ولاردىڭ ەڭبەك قاتىناستارىن زاڭداستىرىپ, قۇقىقتارىن قورعاۋدى تالاپ ەتەدى.
«ولارعا جالاقى تولەنبەگەن, مەديتسينالىق قىزمەت كورسەتىلمەگەن, كەلىسىمشارتتار ورەسكەل بۇزىلعان فاكتىلەردى بىلەمىز. سوندىقتان قازىر ءتيىستى ۇكىمەتارالىق كەلىسىمدەر جاساسۋ بويىنشا جۇمىستار جۇرگىزىلىپ جاتىر. قازىردىڭ وزىندە شەتەلدە ازاماتتارىمىزدى جۇمىسقا ورنالاستىراتىن جەكە اگەنتتىكتەردىڭ جۇمىسىن جۇيەلەۋ قاجەت. قازاقستان ازاماتتارى كەلىسىمشارت بويىنشا سەنىمدى كەپىلدىكتەر الۋى ءتيىس», دەدى و.بەكتەنوۆ.
پرەمەر-مينيستر ەڭبەك جانە حالىقتى الەۋمەتتىك قورعاۋ مينيسترلىگىنە وسى باعىتتا كەشەندى شارالار قابىلداۋدى تاپسىردى.
«سونىمەن قاتار شەتەلدە جۇمىس ىستەگىسى كەلەتىندەر ءۇشىن كاسىبي جانە تىلدىك وقىتۋ ورتالىقتارىن اشۋعا بولادى. مىسالى, ولاردى شىعىس قازاقستان, تۇركىستان جانە الماتى وبلىستارىندا اشۋ جوسپارلانىپ وتىر. بۇل وڭىرلەردىڭ اكىمدەرى بۇل جۇمىستى جەدەلدەتۋى قاجەت. باسقا وڭىرلەرگە وسى تاجىريبەنى پايدالانۋعا بولادى», دەپ اتاپ ءوتتى ۇكىمەت باسشىسى.
ولجاس بەكتەنوۆتىڭ ايتۋىنشا, قابىلدانعان بارلىق جۇيەلى شارالاردى جۇزەگە اسىرۋ ساپالى جۇمىسپەن قامتۋدى قامتاماسىز ەتۋگە جانە حالىقتىڭ تابىسىن ارتتىرۋعا مۇمكىندىك بەرەدى. پرەمەر-مينيستر وبلىس اكىمدەرىنە تۇراقتى جۇمىس ورىندارىن قۇرۋعا باسا نازار اۋدارا وتىرىپ, جۇمىسپەن قامتۋ جوسپارلارىنىڭ ورىندالۋىن جەكە باقىلاۋعا الۋدى تاپسىردى.
