فوتو: سقو اكىمدىگى
ۇكىمەتتىڭ ءباسپاسوز قىزمەتىنىڭ مالىمەتىنشە, سۋ تاسقىنىنان زارداپ شەككەندەردىڭ جالعىز باسپاناسى سانالاتىن 12 086 تۇرعىن ءۇي مەن 7 380 ساياجاي قۇرىلىسى سۋ استىندا قالعان. زارداپ شەككەن وڭىرلەردە 18 228 تۇرعىن ءۇي تەكسەرىلىپ, 15 651 وبەكت بويىنشا باعالاۋ اياقتالدى.
باعالاۋ قورىتىندىسى بويىنشا 9 306 ءۇي جوندەۋگە جاتقىزىلسا, 8 190 ءۇي قالپىنا كەلتىرىلمەيتىنى انىقتالعان, ولار بويىنشا قايتالاما نارىقتا 5 714 ءۇي مەن پاتەر ساتىپ الۋ, سونداي-اق ۇلگىلىك جوبا بويىنشا 2 576 ءۇي سالۋ جوسپارلانىپ وتىر.
قازىرگى ۋاقىتتا تۇرعىن ءۇيدى جوندەۋگە جانە قالپىنا كەلتىرۋگە 40 ملرد تەڭگەگە وتەماقى 6 176 وتباسىنا بەرىلدى. 3 414 وتباسى قيراعان باسپاناسىنىڭ ورنىنا جاڭا ءۇي مەن پاتەر العان.
باتىس قازاقستان, قوستاناي, اتىراۋ, اقتوبە, اقمولا, سولتۇستىك قازاقستان, پاۆلودار وبلىستارىندا زارداپ شەككەندەرگە ارنالعان 2,5 مىڭ جاڭا ءۇيدىڭ قۇرىلىسى باستالدى.
