«2200 جىلدىق تاريحى بار قالامىز دامۋ شەجىرەسىن التىن ارىپتەرمەن جازىپ كەلەدى. قالامىزدىڭ كەلبەتى جىلدان-جىلعا اجارلانىپ, ەكونوميكاسى ورلەپ, حالىقتىڭ ءال-اۋقاتى ارتۋدا. جاڭا يدەيالار مەن جوسپارلار, اۋقىمدى ينۆەستيتسيا ميلليوندى قالانىڭ دامۋىنا جاڭا سەرپىن بەرىپ وتىر. يگىلىكتىڭ بارلىعى – ءسىز بەن ءبىزدىڭ ورتاق ەڭبەگىمىز», دەدى قالا اكىمى.
شىمكەنت قالالىق ءماسليحاتىنىڭ توراعاسى باحادىر نارىمبەتوۆ كونتسەرتتىك كەشتە ءبىر توپ ازاماتتى «شىمكەنت قالاسىنىڭ قۇرمەتتى ازاماتى» اتاعىمەن ماراپاتتادى. اتالعان اتاققا يە بولعانداردىڭ ىشىندە «پاراسات», «بارىس» وردەندەرىنىڭ يەگەرى ورىنباي راحمانبەرديەۆ تە بار. ول كىسى شىرايلى شاھاردىڭ وتكەنى تۋرالى جىلى ەستەلىگىن ايتىپ, قازىرگى دامۋ قارقىنىنا قاتىستى ويلارىمەن ءبولىستى.
«مەنىڭشە, بۇگىندە قالادا تاماق, توقىما ونىمدەرىن شىعاراتىن زاۋىت-فابريكالاردى كوبەيتۋ كەرەك. شىمكەنت وزبەكستان استاناسى تاشكەنتكە ءتيىپ تۇر. مىنە, سول الىپ شاھاردىڭ دا ينۆەستيتسيالىق مۇمكىندىگىن پايدالانۋىمىز قاجەت. بىرىككەن كاسىپورىندار قۇرىپ, باسەكەلەستىك تۋدىرعان تاۋارلاردى شىعارىپ, وزدەرىنە ساتىپ وتىرساق, نەسى جامان؟ قازىر نارىقتىق ەكونوميكادامىز. دەگەنمەن شاتقاياقتاپ تۇرعان كاسىپورىنداردى اياققا تۇرعىزىپ الۋ ءۇشىن جارتىلاي جوسپارلى ەكونوميكاعا كوشسەك تە جامان ەمەس. بۇل ەندى – مەنىڭ جەكە كوزقاراسىم», دەدى و.راحمانبەرديەۆ.
ايتا كەتۋ كەرەك, قالا كۇنىنىڭ قارساڭىندا «Tulip Hall» عيماراتى حالىق يگىلىگىنە بەرىلدى. ۇشقاباتتى عيماراتتاعى كونتسەرت زالىنىڭ سىي̆ىمدىلىعى – 2066 ورىن. ودان بولەك 190 ورىندىق كونفەرەنتسيا زالى بار.
شىمكەنت
