فوتو: اشم
اقتوبە وبلىسىنىڭ شەگىرتكە ۇشىپ ءوتۋى تىركەلگەن العا اۋدانىندا جوسپارلانعان 41 570 گەكتاردىڭ 39 570 گەكتارى وڭدەلدى. ەسەبى ەكونوميكالىق زياندىلىق شەگىنەن جوعارى جاڭا ءۇيىرى تابىلعان جاعدايدا جەدەل وڭدەۋ جۇرگىزىلەدى.
پرەمەر-ءمينيستردىڭ ورىنباسارى سەرىك جۇمانعاريننىڭ توراعالىعىمەن وتكەن رەسپۋبليكالىق جەدەل شتاب وتىرىسىندا شەگىرتكەلەرگە قارسى كۇرەس بويىنشا جاعداي تالقىلاندى.
شەكارالاس اۋماقتارداعى جاعدايعا ەرەكشە نازار اۋدارىلدى. اقتوبە وبلىسىنىڭ ايتەكە بي اۋدانىندا رەسەي فەدەراتسياسى شەكاراسى بويىندا 104 كم الاڭدا حيميالىق وڭدەۋ جۇرگىزىلدى, بارلىعى 219 كم شەكارا ايماعىنىڭ 195 شاقىرىمىن وڭدەۋ جوسپارلانعان. رەسەي تاراپىنىڭ دەرەكتەرى بويىنشا ورىنبور وبلىسىندا 22 مىڭ گا, قازاقستان شەكاراسى بويىندا 10 كم وڭدەلگەن.
جەدەل شتاب وتىرىسىنىڭ قورىتىندىسى بويىنشا ۆيتسە-پرەمەر ءشوپتىڭ قالىڭ وسكەن جەرلەرى كوپ پاۆلودار, قاراعاندى جانە اباي وبلىستارى اكىمدىكتەرىنە شەگىرتكەلەردىڭ تارالۋىنا باقىلاۋدى كۇشەيتۋدى تاپسىردى.
