- وقيعا ساعات تورتتە, كۇن ىستىق بولىپ تۇرعاندا بولعان. تىيىم سالاتىن بەلگىگە قاراماستان, ول سۋبۇرقاققا تۇسكەن. سۋبۇرقاقتىڭ ەكى توستاعانى بار, ول تۋرا ىشىنە كىرگەن. ءولىمنىڭ سەبەبى سوت-مەديتسينالىق ساراپتامادان كەيىن بەلگىلى بولۋى كەرەك. الدىن الا مالىمەت بويىنشا, جۇرەگى توقتاپ قالعان نەمەسە توك سوققان بولۋى مۇمكىن. سوت-مەديتسينالىق ساراپتامانىڭ قورىتىندىسىن كۇتۋ كەرەك, - دەپ جازدى ءمينيستردىڭ ءسوزىن كتك ارناسى.
ساياسات نۇربەكتىڭ ايتۋىنشا, مارقۇم بولعان بالا قالاداعى №185 مەكتەپتىڭ تۇلەگى بولعان. سول كۇنى ۋنيۆەرسيتەتكە ۇبت تاپسىرۋعا كەلگەن, بىراق تەحنيكالىق اقاۋعا بايلانىستى سىناق وتپەدى. ءبىلىم وشاعى قايعىلى وقيعادان كەيىن سۋبۇرقاقتى ءوشىرىپ تاستاعان.
- سۋعا تۇسۋگە تىيىم سالىنادى" دەگەن جازۋ ءتورت جاعىندا جازىلعان. سەبەبى ۋنيۆەرستيتەت اۋماعى كوركەم ءارى جايلى بولعاندىقتان, تۇرعىندار مەن ستۋدەنتتەر مۇندا ەركىن جۇرەدى. ولاردىڭ قاۋىپسىزدىگى ءۇشىن مىندەتتى تۇردە سول بەلگىلەردى قويعانبىز. ۋنيۆەرسيتەتىمىزدىڭ اۋماعىندا بولعان وقيعاعا بايلانىستى مارقۇمنىڭ جاقىندارىنا قايعىرىپ, كوڭىل ايتامىز, - دەيدى ءال-فارابي اتىنداعى قازۇۋ پرورەكتورى ەركىن دۇيسەنوۆ.
