س توبىندا 2-تۋرىندا سلوۆەنيا فۋتبولشىلارى سەربيا قۇراماسىن ۇتقانداي ەدى. ءيا, 69-مينۋتتا جان كارنيچنيك گول سوعىپ, كومانداسىن العا شىعارىپ, ءتىپتى 90-مينۋت تۇگەسىلگەنگە دەيىن باسىمدىقپەن وتكىزگەن. الاڭداعى باس قازى رۋمىن يشتۆان كوۆاچ نەگىزگى ۋاقىتقا 6 مينۋت قوسىپ بەردى. سوڭعى سەكۋندتار سىرعىپ جاتقاندا بۇرىشتامادان جەتكەن دوپتى لۋكا يوۆيچ گولعا ۇلاستىرىپ, قۇراماسىن جەڭىلىستەن قۇتقاردى. ماتچتان كەيىن سەربيا قۇراماسىنىڭ باس باپكەرى دراگان ستويكوۆيچ ءيوۆيچتىڭ تالانتتى فۋتبولشى ەكەنىن ايتتى. بىراق نەگىزگى قۇرامدا الاڭعا شىعارعان جوق, تەك 64-مينۋتتا ءۆلاحوۆيچتىڭ ورنىنا جىبەردى.
«ويىننىڭ ونە بويىندا دوپقا يەلىك ەتۋدە ءبىزدىڭ جىگىتتەر باسىم بولدى. شابۋىلداۋشى قۇراما ەكەنىمىزدى ايقىنداپ بەردىك, نەگىزگى ماقساتىمىز جەڭىسكە جەتۋ ەدى, تەڭ ناتيجەنى دە قاناعات تۇتامىز. ءبىز ارشقاشان دا سوڭىنا دەيىن تارتىسقا بارىپ تاباندىلىق تانىتاتىنىمىزدى كورسەتتىك», دەدى سەربيا ۇلتتىق قۇراماسىنىڭ باس باپكەرى دراگان ستويكوۆيچ.
سلوۆەنيا قۇراماسىنىڭ باس باپكەرى ماتياج كەك شاكىرتتەرىنىڭ گەرمانياعا سەرۋەن ءۇشىن كەلمەگەنىن, سەربتەرگە قارسى تارتىس تا سلوۆەنيا فۋتبولىنىڭ تاريحىنا التىن ارىپپەن ادىپتەلەتىنىن باسا ايتتى.
ء«بىز سلوۆەنيا فۋتبولىنىڭ مىنەزىن كورسەتتىك. سەربيا قۇراماسىنىڭ ستاندارتتى شابۋىلداردا وتە قاتەرلى ەكەنىن دە بىلدىك. مەنىڭشە ءبىز سەربتەردىڭ سوڭعى شابۋىلىندا ايىلىمىزدى ءسال ەرتە بوساتىپ الدىق. الدا شەشۋشى ماتچ تۇر, ەڭسەمىزدى تىكتەپ, سول ويىنعا بارىمىزدى سالامىز», دەدى ماتياج كەك.
بۇل توپتىڭ ءفاۆوريتى سانالعان انگليا قۇراماسى دانيا فۋتبولشىلارىمەن تەڭ ءتۇستى. اعىلشىندار دات فۋتبولشىلارىن ەركىن جەڭەدى دەپ بولجاعان جاۋىرىنشىلاردىڭ دەگەنى ءدوپ كەلە قويمادى. 18-مينۋتتا حارري كەيننىڭ گولىنان كەيىن باسىمدىقتى قولعا العان اعىلشىنداردىڭ قورعانىسى كوپ وتپەي-اق سىر بەردى. 34-مينۋتتا مورتەن يۋلمانن تارازى باسىن تەڭەستىردى. قوس كوماندا وسى ناتيجەنى قاناعات تۇتتى. بۇل توپتان پلەي-وفف كەزەڭىنە وتۋگە انگليا قۇراماسى ءبىر تابان جاقىنداي ءتۇستى. دانيا قۇراماسىنىڭ دا توپتان شىعىپ, پلەي-وففقا وتۋگە ءۇمىتى زور.
ۆ توبىنداعى 2-تۋردى قورىتىندىلاعان يسپانيا مەن يتاليا قۇرامالارى اراسىنداعى تارتىستىڭ تاعدىرىن ريكاردو كالافوريدىڭ اۆتوگولى شەشتى. يسپانيا قۇراماسىنىڭ جاس پەرىلەرىنىڭ كەزەكتى شابۋىلىن تويتارام دەگەن ريكاردونىڭ ءوز قاقپاسىنا اۆتوگول سوعۋىنىڭ ارقاسىندا يسپانيا قۇراماسى 1/8 فينالعا ءوتتى. بۇل وسى ەۋروپا چەمپيوناتىنداعى بەسىنشى اۆتوگول بولىپ تىركەلدى.
يتاليا قۇراماسىنىڭ جارتىلاي قورعاۋشىسى برايان كريستانتە يسپانيا فۋتبولشىلارىنىڭ تاماشا ويناعانىن جەتكىزدى. «راس, ءبىزدى ولار ابدەن قىسپاققا الدى. بۇل ەلدىڭ فۋتبول ويناۋ مانەرى وزگەشە, ءبىزدى ابدەن تيتىقتاتتى. ولار ۇنەمى دوپتى ءوز يەلىكتەرىندە ۇستاپ, باسىمدىقتى جىبەرمەۋگە تىرىسادى. بىزگە دە قارسى شابۋىلداردى ورىستەتىپ, گول سوعاتىن وراي تۋعىزۋدىڭ ءساتى كەلگەن, بىراق قارسىلاستارىمىز ادىم اشتىرمادى», دەدى جارتىلاي قورعاۋشى.
