اctor’s Studio Drama School – Pace University-ىندە اكتەرلىككە ماماندانعاننان كەيىن گۇلجان تۇزەلباەۆا الماتىدا اكتەرلىك ستۋدياسىن اشقان. تالاپتى بالالاردى وقىتىپ, ءوزى دە پەسالار قويۋعا قاتىسا ءجۇرىپ, حالىقارالىق جوبالارداعى رولدەردى سومدادى. بۇگىندە گۇلجاننىڭ رەپەرتۋارى رەجيسسەر دارەجان ومىرباەۆتىڭ «اقىن» فيلمىندەگى رولىمەن تولىققان.
گۇلجان – الماتى قالاسىنىڭ تۋماسى. ونىڭ ارماندارىنا تاۋ باۋرايىنداعى اسەم قالانىڭ تابيعاتى, سايىن دالانىڭ جايقالعان گۇلدەرى, اسىرەسە اپورتتىڭ ءدامى قانات بىتىرگەندەي. «اپورتتىڭ ءيىسى مەنىڭ قانىما سىڭگەن. سوندىقتان دا بولار حوش يىستەر مەنى ارقاشان دا شابىتتاندىرىپ تۇرادى. اكتەرلىك پەن قاتار قارجىگەر ماماندىعىن يگەرۋىم, فرانتسۋز, اعىلشىن تىلىندە ەركىن سويلەۋىم بالا كۇنگى ارمانىما جەتۋىمە ىقپال ەتتى. وسى جولدا «بولاشاق» باعدارلاماسى جولىمدى اشتى. پاندەميا كەزىندە ەۋروپاعا بارۋعا رۇقسات بەرىلمەگەندىكتەن, وقۋىمدى شەگەرۋىمە تۋرا كەلدى. الايدا سول جولى رەجيسسەر دارەجان ومىرباەۆتىڭ «اقىن» ءفيلمى بەرلين كينوفەستيۆالىنە جولداما الىپ, بەرلينگە دە, فرانتسيانىڭ گراسس قالاسىنا دا جولىم ءتۇستى. بۇعان دەيىن گراسستاعى وقۋ ورىندارىمەن حابارلاسىپ, باعدارلامالارىمەن تانىسىپ قويعان بولاتىنمىن. وقۋىمدى العاشىندا قاشىقتان, كەيىننەن ىشتەي بولىمدە جالعاستىردىم. شاعىن عانا حالقى بار گراسس قالاسىنداعى راۋشان گ ۇلىنىڭ حوش ءيىسى مەنى بىردەن باۋرادى. اسىرەسە گۇلدەردىڭ ءدال ەلىمىزدەگىدەي حوش يىسپەن گۇلدەيتىنى قىزىقتىردى. كليماتتىق جاعىنان ۇقساس كەلەتىن ەكى ەلدە دە تاۋدان ەسكەن سامال مەن جارقىراعان كۇننىڭ اسەرى راۋشان گ ۇلىنىڭ جايقالىپ وسۋىنە سەبەپشى», دەيدى ول ءوز اسەرىمەن ءبولىسىپ. وسىلايشا, ەجەلدەن ءاتىردىڭ وتانى سانالاتىن فرانتسياعا بارىپ, پارفيۋمەريالىق ينستيتۋتتا ءبىلىم العان جاس عالىم ەلىمىزدە جاڭا ءوندىرىستى باستاپ, تىڭنان جول سالا باستادى.
زەرتحانادا پارفيۋمەريانى جاساۋ باستاپقى ساتىدان باستالادى. وندىرىستە پارفيۋمەريادان باسقا ينتەرەرگە ارنالعان حوش يىستەر, راۋشان سۋى جانە شامدار ازىرلەنىپ جاتىر. جاس عالىمنىڭ ايتۋىنشا, ءيىسسۋدىڭ الدىمەن فورمۋلاسى جاسالادى. ءبىر گرامم ارتىق نە كەم قۇيىلسا, ءاتىردىڭ قۇرامى وزگەرىپ كەتەدى. سوندىقتان قۇرامىن, مولشەرىن انىقتاپ الۋ ماڭىزدى. سىناما ءۇش كەزەڭنەن تۇرادى. اپورتتان جاسالعان پارفيۋمەريانىڭ كەيبىرى بالعىن, ەندى ءبىرى ءتاتتى بولىپ كەلەتىن بولسا, ءساتسىز شىققان نۇسقالار دا كەزدەسەدى ەكەن. جاقىندا ەرلەرگە ارنالعان ءاتىردى ۇسىنباقشى. قۇرامىندا راۋشان گ ۇلى مەن اروماتى بار ءاتىردى ايەلدەردىڭ دە قولدانۋىنا بولادى. ء«يىستى ۇزاق ساقتاۋدىڭ ءوز قۇپياسى بار. قۇرامىنا مايدى كوبىرەك قوسامىز. بارلىق قوسپا تالاپقا ساي بولۋى كەرەك. تەرىگە كەرى اسەرى جوق», دەيدى جاس عالىم.
بۇگىندە وندىرىستە «الماتى اپورتى», «مينەرالدى راۋشان», «كوكجايلاۋ قايىڭى», «ماحاببات», ء«امىر», «ايدا» سياقتى 60-تان استام ەرەكشە پارفيۋمەريا, 50-دەن اسا شام مەن ءۇي-جايلارعا ارنالعان ءتۇرلى حوش ءيىستى ءونىم بار. قازىرگى كەزدە عىلىمي جوبالاردى كوممەرتسيالاندىرۋ كونكۋرسىنا قاتىسىپ, ساتباەۆ ۋنيۆەرسيتەتى زەرتحاناسىندا جۇمىس ىستەپ جاتقان كاسىبي مامان وندىرىسكە قاجەتتى بارلىق ءونىمىن سىناقتان جانە سەرتيفيكاتتاۋدان وتەتىنىن ايتادى. جوباعا ساي ماقالالار جازىپ, فورمۋلالاردى پاتەنتتەۋ دە ماڭىزدى. ونىمدەر IFRA حالىقارالىق پارفيۋمەريا ستاندارتتارىنا سايكەس جاسالادى. ەندىگى ماقسات – ەلىمىزدە ساپالى ونىمدەر وندىرۋگە بولاتىنىن دالەلدەۋ. ونىڭ ايتۋىنشا, حوش ءيىستى, تابيعي شيكىزات ونىمدەرىنەن ءاتىر تۇرلەرىن شىعارۋعا ەلىمىزدە تولىققاندى مۇمكىندىك بار. ءوندىرىس بولعاننان كەيىن جەتىسپەيتىن تۇستارى بولاتىنى زاڭدىلىق. بىراق سول قيىندىقتارعا قاراماستان, قازاقستاندا جاسالعان ونىمدەردى كوبەيتۋ – جاس عالىمدار الدىندا تۇرعان باستى ماسەلە. وسى ماقساتتا پارفيۋمەرلىك كورمەلەردى ارالاۋ ماڭىزدى. «مەن ءبىر مارتە كاتارعا كورمەگە بارىپ قايتتىم. ەندى تاعى دا ىسساپارعا شىعىپ, پاريۋمەريا ءوندىرىسىن زەرتتەي تۇسپەكپىن. سونداي-اق كۋرستاردان, ماستەر-كلاسستاردان ءوتۋ, ارنايى ورىنداردا بىلىكتىلىكتى ارتتىرۋ دا سالانى دامىتۋعا ىقپال ەتەدى. ەلىمىزدە بولاشاق پارفيۋمەرلەردى وقىتىپ, بىلگەنىمدى ۇيرەتسەم دەيمىن. وعان قاجەتتى تاجىريبە جيناقتاي الدىم دەپ بىلەمىن», دەيدى ول.
الماتى
