قۇبىرلار وزىمىزدە جاسالادى

قازىر ءوندىرىستى وڭىردە كۇن سايىن  شاعىن ءبىر زاۋىت, كاسىپورىن اشىلسا دا جاڭالىق ەمەس سياقتى. وعان مىسالى, ماۋسىم ايىندا ءبىر كۇندە ىسكە قوسىلعان ەكى سەرىكتەستىكتىڭ جۇمىسىن ايتۋعا بولادى. ونىڭ ءبىرى – اقسۋ قالاسىنداعى پوليەتيلەن قۇبىرلار شىعاراتىن شاعىن زاۋىت بولسا, ەكىنشىسى – وبلىس ورتالىعىنداعى قۇبىرلاردى الدىن-الا يزولياتسيالاۋ ءوندىرىسى. اقسۋداعى پوليەتيلەن قۇ­بىرلار شىعاراتىن “دانيەر” وندىرىستىك ساۋدا-قۇ­رىلىس فيرماسىنىڭ تسەح­تارى جاڭا تەحنو­لوگيالارمەن جابدىقتالىپتى. بۇل قۇ­بىرلار كۇندەلىكتى ءوزىمىز تۇتىناتىن اۋىز سۋدى جەتكىزىپ بەرىپ وتىراتىن قالاىشىلىك ينجەنەرلىك جەلىلەرگە ار­نالعان. ديامەترى 20-دان 500 ميلليمەترگە دەيىن. زاۋىت ەندى جىلىنا 300 ميلليون تەكشە مەتر قۇبىر جاساپ شىعارادى. سەرىكتەستىك ديرەك­تورى  نۇر­لان نۇرماعان­بەتوۆتىڭ اي­تۋىنشا, قۇبىرلار جاساۋعا قاجەتتى شيكىزات سوناۋ كورەيا ەلىنەن جەتكى­زى­لەدى ەكەن. وسى جوبانى ىسكە اسىرۋ ءۇشىن 100 ميلليون تەڭگە جۇمسالىپتى. ەلباسى بي­ىلعى جولداۋىندا كاسىپ­كەر­لىكتىڭ جاڭا ەكونو­ميكالىق دامۋىمىزدىڭ قوزعاۋشى كۇشى ەكەنىن, سونىڭ ارقاسىندا شاعىن جانە ورتا كاسىپ­كەرلىكتىڭ جاڭا توبىن كوبەيتۋ  كەرەكتىگىن ايتقان ەدى. سول جاڭا توپتاردىڭ قاتارى قازىر بىرتىندەپ كو­بەيىپ كەلەدى. جاڭا كاسىپ­ورىندا 62 جۇمىس ورنى اشىلدى. سونىمەن قاتار, ء“Arىnvest” سەرىكتەستىگى دە جاڭا جوبانى جۇزەگە اسىردى. ەكى كاسىپورىن دا جاۋاپ بەرەتىن جاڭا تەحنولوگيالارمەن جاسالىن­عان سۋ قۇبىرلارىن ومىرگە اكەلدى.  سەرىك سۇراعانوۆ باسقاراتىن بۇل ءوندىرىس ورنى جەر استى جەلى جولدارىنا توسەلەتىن قۇبىرلاردى ارنايى يزولياتسيالاپ بارىپ دايىن كۇيىندە قولدانىسقا جىبەرە الادى. ياعني, ىستىق سۋ مەن سۋىق سۋدى نەمەسە جىلۋدى تاسىمالداۋ كەزىندە بۇرىن­عىداي سىرتىن وراپ-قىمتاپ, تاستارمەن باستىرۋدىڭ قاجەتى جوق, كەرىسىنشە, بولات قۇبىردىڭ سىرتىنا پوليە­تي­لەن قۇبىر كيگىزىلەدى, قۇبىردى ساقتاۋ جۇيەلەرى دە ءوندىرىس­شىلەردىڭ قولىندا. ولاردىڭ ايتۋىنشا مۇنداي دايىن قۇبىرلاردى قازىلعان شۇڭ-قىرلارعا اپارىپ ورناتىپ, بىردەن پايدالانا بەرۋگە  بولادى ەكەن. بۇل قۇبىرلار دا ۇزاق جىلدارعا شىداي الادى ءارى سۋدىڭ بەتالدى ىسىراپ بولماۋىنا كوپ پايداسى دا بار. قورشاعان ورتاعا تيگىزەر زيانى دا از. بولات قۇبىرلار شىرۋگە ءتوزىمدى. تاعى ءبىر باستى ەرەكشەلىگى – بولات قۇبىر­لاردىڭ ءوزارا جالعاسقان تۇستارى مىس سىمدارمەن بايلانىسقان, ولار زاۋىتتىڭ وپەراتورلىق كومپيۋتەرلىك ورتالىق جۇيەلەرىنە جال­عان­عان, ال, اپات بولا قالعان كەزدە ولار بەلگى بەرىپ وتىرادى. سوندىقتان, كۇندەلىكتى ءىش­ىپ, جۋىنىپ وتىرعان سۋى­ڭىز­دىڭ تازالىعىن, ەكولو­گيالىق قاۋىپسىزدىگىن ساقتايتىن  بۇل جاڭا قۇبىرلاردىڭ باعاسى دا قىم­بات. ساتىپ الۋشىلار ءاري­نە, بۇل قۇبىرلاردىڭ ءتيىم­دى­لى­گىنە, مونتاجداۋ-ءجون­دەۋ جۇ­مىستارىنىڭ ىڭ­عاي­لى­لى­عىنا قاراپ بارىپ قىزىعىپ ساتىپ الارى ءسوزسىز. وبلىس ور­تا­­لىعىندا جانە اقسۋ قا­لا­سىندا اشىلعان زاۋىت­تاردىڭ ءوز­دەرى شاعىن بولسا دا, ءوڭىر ءۇشىن اشقان جاڭالىقتارى وتە زور. فاريدا بىقاي. پاۆلودار.